Abai oblysynyń ákimi Berik Ýálidiń tóraǵalyǵymen ótken keńeitilgen apparattyq jiynda Abaidyń 180 jyldyǵy men Qazaqstan halqynyń birligi kúni, Otan qorǵaýshylar kúni, Jeńis kúni merekelerin atap ótýge daiyndyq barysy qaraldy, dep habarlaidy Dalanews.kz
Mádeniet, tilderdi damytý jáne arhiv isi, Ishki saiasat, Jumyspen qamtý jáne áleýmettik baǵdarlamalardy úilestirý basqarmalarynyń basshylary ataýly datalarǵa orai josparlanǵan negizgi is-sharalar týraly baiandady.
Abaidyń 180 jyldyǵyna orai Semei qalasy men Abai aýdanynda aýqymdy mádeni-tanymdyq sharalar ótedi. Qazaqstan halqynyń birligi kúni men Qazaqstan halqy Assambleiasynyń 30 jyldyǵy aiasynda oblysta 100-den astam is-shara ótkizý josparlanǵan. Jeńistiń 80 jyldyǵyna orai óńirde 273 is-shara uiymdastyrý kózdelgen. Aimaqtaǵy soǵys jáne tyl ardagerlerine áleýmettik qoldaý sharalary da qarastyrylǵan. Oblys boiynsha 1693 adamǵa birjolǵy kómek beriledi.
Oblys ákimi jiynda Mádeniet, tilderdi damytý jáne arhiv isi men Ishki saiasat basqarmalaryna uly aqynnyń 180 jyldyǵyn atap ótý boiynsha arnaiy qadamdyq is-shara josparyn ázirleýdi, mereitoi kezinde qyzmet kórsetetin volonterlardy oqytyp, daiyndaýdy tapsyrdy. Abai aýdany ákimi men Energetika, turǵyn úi-kommýnaldyq sharýashylyǵy basqarmasyna mereitoi uiymdastyrylatyn jerlerdegi sanitarlyq oryndardyń talapqa sai bolýyn júktedi.
Mamyr aiyndaǵy merekelerdi atap ótý kezinde óskeleń urpaqty patriotizm, birlik pen tatýlyq rýhynda tárbieleýge úndeitin, Qazaqstan halqy Assamleiasynyń 30 jyldyǵy men «Jumysshy mamandyqtary» jylynyń mańyzyn keńinen nasihattaýǵa baǵyttalǵan is-sharalarǵa basymdyq berý qajettigin aitty. Qala jáne aýdan ákimderine Uly Otan soǵysyna qatysýshylardyń monýmentterin, eskertkishterin, jerlengen jerlerin qalpyna keltirýdi, abattandyrý jumystaryn júrgizýdi mindettedi.
«Prezident aitqandai, uly Abaidyń mereitoiyn laiyqty atap ótýimiz kerek. Is-sharalardyń mán-mazmunyna, taǵylymdy tustaryna basa nazar aýdarymyz qajet»,- dedi aimaq basshysy.
Keńeitilgen apparattyq jiynda oblystyq Tabiǵi resýrstar jáne tabiǵat paidalanýdy retteý basqarmasynyń basshysy Ainur Aqmyrza aimaq basshysyna «Taza Qazaqstan» baǵdarlamasy boiynsha óńirde atqarylǵan jumystar týraly baiandady. Aimaqta 12 sáýirde ótken senbilikke oblystyń 22,8 myń turǵyny qatysyp, 1053 uiym jáne 438 tehnika jumyldyrylǵan.
Oblys ákimi otyrysta respýblikalyq baǵdarlama aiasynda bastaý alǵan jalpyóńirlik tazalyq aktsiiasyn jandandyrýǵa qatysty naqty tapsyrmalar berdi.
«Óńir turǵyndary Memleket basshysynyń bastamasymen qolǵa alynǵan tazalyq aktsiiasyn jaqsy qoldap, qyzyǵýshylyq tanytyp, senbilikke belsendi qatysýda. Sondyqtan bul baǵyttaǵy jumysty odan ári jandandyrý qajet. Tazalyq mádenietin halyqtyń sanasyna sińirýimiz kerek», - dedi aimaq basshysy.
