Abai ýniversitetinde Prezident Joldaýy talqylandy
2019 jyldyń 11 qyrkúieginde Abai atyndaǵy Qazaq ulttyq pedagogikalyq ýniversitetinde Prezident Qasym-Jomart Toqaevtyń Qazaqstan halqyna arnaǵan «Syndarly qoǵamdyq dialog - Qazaqstannyń turaqtylyǵy men órkendeýiniń negizi» taqyrybyndaǵy Joldaýy boiynsha talqylaý ótti.
Is-sharaǵa prorektorlar, qurylymdyq bólimshelerdiń basshylary, professor - oqytýshylar quramy men stýdentter qatysty.
Jinalysty rektor Takir Balyqbaev ashyp, bilim berý jáne ǵylym salasyndaǵy bastamalarǵa erekshe nazar aýdaryp, Memleket basshysynyń Joldaýynyń negizgi bastamalaryn atady. Ýniversitet basshysy Joldaýdyń mindetterine toqtalyp, ony júzege asyrý Qazaqstannyń odan ári damýyna jańa serpin beretindigin, sondai-aq, Prezidenttiń Joldaýynda alǵa qoiylǵan pedagogikalyq jáne ǵylymi salalarǵa baǵyttalǵan strategiialyq mindetterdi biz Otanymyzdyń tabysty damýy úshin tiisti sharalardy júzege asyrýymyz qajet ekendigin aitty.
Is-shara barysynda barlyq joǵary oqý oryndaryna qatysty - joǵary bilim men oqýlyqtardyń sapasyn jaqsartý, ǵylymnyń tiimdiligin arttyrý, túlekterimizdiń jumyspen qamtylýyn qamtamasyz etý máseleleri talqylandy.
Joldaýdy talqylaý barysynda ǵylymi jumystar jáne halyqaralyq yntymaqtastyq jónindegi prorektor Aqtolqyn Qulsarieva («Syndarly qoǵamdyq dialog – Qazaqstannyń turaqtylyǵy men órkendeýiniń negizi»), Tarih jáne quqyq institýtynyń saiasattaný jáne áleýmettik-filosofiialyq pánder kafedrasynyń meńgerýshisi Jomart Simtikov («Bilik tranziti kezeńindegi Prezident Q.K.Toqaevtyń alǵashqy joldaýynyń saiasi aspektisi»), Pedagogika jáne psihologiia institýtynyń direktory Berikjan Álmuhambetov («Bilim-qoǵamnyń rýhani qazyǵy»), Tarih jáne quqyq institýtynyń quqyqtaný kafedrasynyń meńgerýshisi Ermek Bóribaev («Povyshenie kachestva iýridicheskogo obrazovaniia») baiandama jasady.
A.Qulsarieva Memleket basshysynyń Joldaýynyń bólimderinde kórsetilgen tapsyrmalaryn oryndaý tiimdiligi jónindegi sharalar týraly egjei-tegjeili aitty.
«Bizdiń ortaq mindetimiz - Qazaqstan Respýblikasy Prezidentiniń «Halyq únine qulaq asatyn memleket» tujyrymdamasyn iske asyrý, ol azamattardyń barlyq syndarly ótinishterine jedel ári tiimdi jaýap beredi. Bilik pen qoǵamnyń turaqty únqatysýy arqyly ǵana qazirgi zamanǵy geosaiasat jaǵdaiynda úilesimdi memleket quryla alady. Joldaýdyń «Qarqyndy damyǵan jáne inkliýzivti ekonomika» bóliminiń basty ereksheligi - bul jaћandyq sipattaǵy qiyndyqtarǵa qaramastan, Qazaqstan ekonomikasy turaqty damýy. Inkliýzivti ekonomika týraly aita otyryp, Prezident bul tujyrymdamany keń maǵynada túsinetinin aitty. Joldaý naqty mindettermen aiqyndalǵan utymdy jáne júieli qujat...», - dedi prorektor.
Prezident Joldaýyn talqylaýda stýdentterdiń atynan Sorbonna-Qazaqstan institýtynyń 2 kýrs magistranty Navasardian Aram sóz sóiledi.
Kezdesýge qatysýshylar belsendi túrde suraqtar qoiyp, Memleket basshysy alǵa qoiǵan mindetterdi sapaly oryndaý týraly pikirlermen almasty.
Rima Janbaeva
