Is-sharaǵa QR Parlamentiniń eks-depýtaty Zaǵipa Balieva, Abai ýniversitetiniń prorektorlary, departamentter men institýttardyń direktorlary, BAQ ókilderi, sondai-aq shaqyrylǵan qonaqtar qatysty.
Abai atyndaǵy QazUPÝ Basqarma tóraǵasy – rektory Bolat Tilep jańa zerthananyń strategiialyq mańyzdylyǵyn atap ótti.
– Bul – bilim men oqý-aǵartý isiniń bolashaǵyn qalyptastyratyn zamanaýi tehnologiialyq sheshim, Abai ýniversiteti ǵalymdarynyń ǵylymi izdenisteriniń aishyqty nátijesi. Zamanaýi zerthana elimizdiń jetekshi ýniversiteti ǵalymdarynyń zertteýleriniń tiimdiligin arttyryp, bilim men ǵylymdy damytýda úlken ról atqarady, – dep oiyn ortaǵa saldy.
«Digital Projector» ǵylymi-bilim berý zerthanasy úsh mańyzdy baǵytty biriktiredi. Birinshisi, Coursera jáne EDx siiaqty halyqaralyq platformalarǵa arnalǵan kontent jasaý; ZOOM, GoogleMeet, WebEx jáne basqa quraldar arqyly zamanaýi Led-taqtaǵa onlain oqytýdy taratý, interaktivti prezentatsiialardy jasaý jáne bólisý; aralas oqytý túrine arnalǵan oqý mazmunyn ázirleý; oqý materialdaryn talqylaýǵa jáne sol sátte aýditoriiadan keri bailanys alý.
Sondai-aq, zerthananyń mańyzdy ereksheligi – qoldanýshylar kúrdeli derekter men modelderdi onlain rejiminde kórsete alady jáne bul óz kezeginde sheteldik ǵalymdarmen ǵylymi-zertteý jumystaryn júrgizýge arnalǵan netvorking orta qurýǵa septigin tigizedi.
Úshinshiden, telesýfler videomaterialdy daiyndaý ýaqytyn qysqartyp, belsendi monitor montajdaýǵa jumsalatyn ýaqytty únemdeidi.
Digital Projector – bul jai ǵana zerthana emes, ol zamanaýi bilim berý úrdisteriniń kórinisi jáne qazaqstandyq bilim berýdiń bolashaǵyn qalyptastyratyn tehnologiialyq sheshimderdiń biri.
Zerthana bilim berý protsesin jetildirýge úlken múmkindikter ashyp qana qoimai, sonymen qatar Abai ýniversitetiniń álemdik deńgeidegi pedagogikalyq zertteý ýniversiteti retindegi imidjin nyǵaitýǵa yqpal etedi.
