Abai atyndaǵy QazUPÝ-dyń Basqarma tóraǵasy-rektory Bolat Tilep Astanaǵa óndiristik is-tájiribege baratyn 4-shi kýrs stýdentterimen kezdesý ótkizdi. Is-sharaǵa akademiialyq qyzmet jónindegi prorektor Baný Narbekova, Akademiialyq máseleler jónindegi departament direktory Hairýlla Janbekov jáne ýniversitettiń jeti institýtynan 181 stýdent qatysty, – dep habarlaidy Dalanews.kz.
Jańa mektepterdi jańa formatsiiadaǵy pedagogikalyq kadrlarmen qamtamasyz etý maqsatynda QR Ǵylym jáne joǵary bilim ministrligi jáne Astana qalasy Bilim basqarmasynyń qoldaýymen rektor Bolat Tileptiń bastamasymen Abai ýniversitetiniń 4-shi kýrs stýdentteri elimizdiń bas qalasynyń jalpy bilim berý uiymdarynda óndiristik is-tájiribeden ótedi. Bul bastama orta bilim berý mekemelerin bilikti jáne yntaly muǵalimdermen qamtamasyz etýge baǵyttalǵan.
Kezdesý barysynda rektor elimizdegi pedagogikalyq kadrlar tapshylyǵy máselesin sheshýde usynylyp otyrǵan bastamanyń mańyzdylyǵyn atap ótti. Sapaly bilim qalyptastyrýdaǵy jetekshi pedagogikalyq oqý ornynyń basty mindetine toqtala kele, bolashaq ustazdyq mamandyǵyn tańdaǵan stýdentterdiń jaýapkershiligine erekshe nazar aýdardy.
Rektor stýdentterdiń óndiristik is-tájiribeden joǵary kásibi deńgeide ótetinine senim bildirip, bilikti maman óz eline qyzmet etip qana qoimai, qoǵam igiligine de eleýli úles qosatynyn atap ótti.
Elordada bilim berý salasyndaǵy pedagogikalyq kadrlardyń tapshylyǵyn joiýdyń mańyzdy mindetin sheshý maqsatynda Abai ýniversiteti men Astana qalasynyń Bilim basqarmasy arasynda yntymaqtastyq týraly Memorandýmǵa qol qoiylǵan bolatyn.
Mańyzdy qujat aiasynda aiasynda Abai ýniversitetiniń 181 stýdenti 32 bilim berý mekemesinde, onyń ishinde 11 litsei, 13 gimnaziia, 1 jalpy bilim beretin mektep, 3 arnaiy bilim berý mekemesinde jáne 4 balabaqshada óndiristik is-tájiribeden ótedi.
Tájiribe kezeńi 2024 jyldyń 4 naýryzynan 3 mamyrǵa deiin jalǵasady.
Óndiristik is-tájiribe barysynda tájiribeli ádiskerlerdiń jetekshiligimen stýdentter qundy tájiribe jinaqtap, kásibi sheberlikterin shyńdaidy.
Bul kezeń ýniversitet pen Astananyń orta bilim berý oryndarynyń uzaq merzimdi yntymaqtastyǵyna negiz bolyp, qala men onyń jastary úshin joǵary bilikti mamandardy daiarlaýǵa septigin tigizedi.
