Biz kei kezderi ózge saittarǵa emes, kerek jerinde ýaqytynda ún qatpai qalǵany úshin dál osy «Abaiǵa» renjimiz. Sál jyldamyraq, sál ekpindirek, sál ilkimdirek bolsa ǵoi degen niettegi «renishimizdi» bildirip jatamyz. Bul da bolsa «Abaiǵa» senim artar jurtshylyqtyń riiasyz bazynasy. Oqyrman senimi – eldiń tilegi.
Memlekettik, ulttyq múdde dodaǵa túsken kezde ózge kóptegen basylymnyń ishinen «Abaidyń» oiyn izdeimiz. «Bul basylym ne der eken?» degen úmitke toly arman keýdemizde lyqsyp turady. 7 jyl boiy qyzýy basylmaǵan, birinen keiin biri kese kóldeneń aldymyzdan shyǵatyn tolyp jatqan kúrmeýli máselelerde «Abaidyń» artqa sheginip, buǵyp qalǵan kezeńi joq. Qashan kórseńiz, qyzý pikirtalas, shynaiy talqy burq-sarq qainap, ózekti máseleler kóterilip, ár salanyń mamandary ózara keńes quryp jatady. Keibir toptar men «maily jilikti» mújip úirengender árbir istiń tonyn teris ainaldyryp, kúie jaǵýǵa umtylǵanymen, «Abaidy» óz biiginen túsire alǵan joq. Sóz bostandyǵy men oi erkindigi týraly sóz bolsa, oǵan «Abaidyń» qosqan úlesi zor.
HH ǵasyrdyń basyndaǵy «Qazaq» pen búgingi «Abaidyń» ustanymy bir. Ózge basylymdar buǵyp qalatyn, erteńin oilap, qaraqan basynyń qamyn kúittegen tusta «Abai» jurt kókeiindegi sózdi jariia etip, qazaqtildi internet-basylymdardyń kóshbasshysy ekenin dáleldeýmen keledi.
«Abai» - abaishyl, alashshyl basylym!
[caption id="attachment_14964" align="alignleft" width="249"]
Ámirjan QOSANOV, saiasatker:
«Avangard» basylym
Abai bolý – bir. «Abai» bolý – bólek. Menińshe, qazirgi qily zamanda, iaǵni Qunanbaiuly Abai joq kezde «Abai» portalyndaǵy jigitter osy tyrnaqshanyń bar ekenin elge bildirmei júrgeni – ǵajap! Qazaqtyń sanasynda Abai bar! Eń bolmaǵanda, bolý kerek. Ǵalamtorda «Abai» bar! Eń bolmaǵanda, bolý kerek. Soǵys terminologiiasynda «avangard» degen uǵym bar. Qazirgi «Abai» sol avangardtardyń biri, iaǵni aqparattyq erkindik pen ulttyq múdde degende, alda, elden buryn, avangardtar júredi. Óz basym anda-sanda bolsa da, sol saitta boi men oi kórsetip júrgenime rizamyn! Abaidy tanyǵysy, Abaiǵa uqsaǵysy kelgen árbir qazaq «Abaidy» oqiyq!
[caption id="attachment_14965" align="alignright" width="266"]
Bolat MÚRSÁLIM, jýrnalist:
Sait kóp, «Abai» jalǵyz...
«Internet degen – uly gazet qoi. Jaqynda «Abai» degen sait ashylady, qazaqtyń eń intellektýaldy saity sol bolady» dep edi marqum Talasbek Ásemqulov. «Abai» saitynyń ashylatynyn alǵash sol kisiden estidim. Aitsa aitqandai, bul portal qazaqtyń janyn aýyrtqan barlyq ulttyq máseleni kótere bildi. Alǵashqy jyldary tańerteń jumysqa kelgende, «Abai» ne beripti?» dep, internetti osy saittan bastap, kúnine eki-úsh ret kirip, qaitip jańartqanyn qaraitynbyz. Qazir qazaqsha sait kóp, báseke bar, biraq, «Abaidyń» jalpyhalyqtyq, ultshyldyq jáne tereńdik deńgeiine eshqaisysy jete alǵan joq.
[caption id="attachment_14966" align="alignleft" width="270"]
Aýyt MUQIBEK, qoǵamdyq belsendi:
«Alash ordanyń» murageri
«Abai» portaly – «Alash Ordanyń» murageri. Keshe Alash kósemderi ult bostandyǵy úshin qalai kúresse, búgin «abailyqtar» sol bostandyqty qalai saqtap qalý jolynda ter tógip júr, shyn mánindegi ulttyq memleket qurý úshin eńbek etýde. Túbi biz sol ańsarly armanǵa jetemiz. Oǵan baspasózdiń qosar úlesi zor. «Abai» sol údeden shyǵar toptyń kóshbasshysyna ainalyp úlgerdi. Biz «Abai» portalynyń jańa medialyq keńistiktegi baǵytynan taimaýyn tileimiz.
[caption id="attachment_14967" align="alignright" width="205"]
Ómirjan ÁBDIHALYQ, Abai.kz portalynyń shef-redaktory:
Abai.kz – búgingi alash baspasóziniń aldaspany
Abai.kz aqparattyq portalynyń 7 jyl ishindegi jumysyn jiti qadaǵalap, kúndelikti oqyp-bilip otyrǵan oqyrman taqyrypty «aiǵailatyp» beripti dep sóge qoimas. Kerisinshe, portaldyń atqarǵan jáne atqara beretin qyzmeti taqyrypqa tolyq sai ekenin biledi dep oilaimyz.
Búgin qurylǵanyna 7 jyl tolyp otyrǵan Abai.kz aqparattyq portalynyń tarihyna kóz jibersek, eń áýeli portal – qazaq internet jýrnalistikasyna alǵash túren salyp, osy salada kásibi jýrnalistikany ornyqtyrǵan aqparattyq sait.
Abai.kz-ti qurǵan, ystyq-sýyǵyna shydap, onyń qazaq tilindegi yqpaldy saitqa ainalýyna zor eńbek sińirgen eki azamat bar. Olar – Aidos Sarym men Dáýren Qýat. Osy eki azamattyń qajyrly eńbegi men jańashyldyǵynyń, izdenimpazdyǵynyń, eńbekqorlyǵynyń arqasynda Abai.kz búgingi biigine shyǵyp, qoǵamdyq oidy qalyptastyrýda yqpaldy kúshke ainaldy.
[caption id="attachment_14969" align="alignright" width="275"]
Abai.kz-tiń BAQ retindegi ustanymy – memlekettiń tutastyǵyna, Táýelsizdiktiń bekýine, memleket qurýshy halyqtyń ulttyq múddecine qyzmet etý. Osy baǵdardan 7 jyl ishinde portal qiia basyp kórgen emes. Buǵan portal betindegi jer, til, din, qoǵam, saiasat taqyrybynda kúndelikti jariialanyp jatatyn maqalalar dálel.
Qazaq handarynyń eskertkishteriniń Astana shetinde qaraýsyz qalǵany týraly habar taraǵanda, Abai.kz bul máseleni alǵashqylardyń biri bolyp kóterip, bilikke ashyq hat jariialady. Mine, sodan bastap ult máselesinde árbir dúniege sergek qarap, der kezinde ún qatyp keledi. Máselen, teris aǵymdaǵy dini uiymdardyń belsendi is-áreketimen kúresken birden-bir BAQ ta – Abai.kz. Bul máselege biliktiń nazaryn aýdaryp, qaýiptiligin ańǵartyp, nátijesinde Din isteri agenttigi quryldy. Bul jerde de Abai.kz-tiń yqpaly bolǵanyn joqqa shyǵarýǵa bolmaidy.
Tarih pen rýhaniiattyń da nasihattalýyna kóp úles qosyp keledi. «Alashorda» aidarynda Alash qairatkerleriniń, zertteýshilerdiń nebir qundy eńbekterin, estelikterin jariialaý dástúrge ainaldy. Portaldyń árbir aidary boiynsha saǵattap aitýǵa bolady.
Tarihi tulǵalardy ulyqtaý, tarihi sanany jańǵyrtýda portal ujymy qoǵamdyq is-sharalar da ótkizdi. Álihan Bókeihannyń 145 jyldyǵyn atap ótip, arnaiy is-shara ótkizip, bir top azamatty marapattady.
[caption id="attachment_14968" align="alignleft" width="336"]
Portaldyń kontentine kelsek, alǵashqy kásibi jýrnalistikanyń qazaq internetindegi úlgisi. Abai.kz-tiń bai ári baiypty, sarapty, ustamdy aqparattyq baǵdarynan taimaǵan kontentti áli eshqandai sait qalyptastyra alǵan joq dep maqtanyshpen aitýǵa negiz bar. Munyń negizinde qazaq jýrnalistikasynda ózindik jol salǵan Bas redaktor Dáýren Qýattyń eńbegi tur. Bas redaktordyń ujymmen, avtorlarmen, aimaqtarmen jumys isteýdegi, uiymdastyrýdaǵy erekshe tásili de portaldyń búgingi aqparattyq biiginiń tuǵyry. Bastaýshynyń baiqampazdyǵy, máseleniń talmaýyr tusyn dál kóre biletindigi, ár máselege qatysty materialdyń der kezinde ári ózindik stilmen shyǵyp, oqyrman kóńilinen oryn tabýyna bastaý bolyp keledi.
Aidos Sarym Abai.kz-tiń strategiialyq basymdyqtaryn aiqyndap, eldegi kez kelgen BAQ-tyń aldynan shyǵatyn kúrdeli máselelerdi rettep, portaldyń yqpal etý aýmaǵyn keńeitýde úlken eńbek sińirip, sheshýshi ról atqardy.
Abai.kz 7 jylda óz aýditoriiasyn qalyptastyryp qana qoimai, qoǵam oiyn aiqyndaýshy ári ult isinde tabandylyq pen birizdilik tanytyp, qazaq qorǵanyna ainalyp otyr. Hakim Abaidyń atyndaǵy aqparattyq portal Alash sóziniń búgingi izbasary. Buǵan portaldyń 7 jyl ishindegi jáne qazirgi jumysy tolyq dálel.
