Aiagóz aýdany №1 jalpy orta bilim beretin mekteptiń 8-synyp oqýshysy Nurillá Daýletqyzy ekologiialyq erekshe joba jasap shyqty. Ol aýanyń ylǵaldylyǵyn ólshep, qajet bolǵanda avtomatty túrde aýa ylǵaldandyrǵyshty qosatyn sóileitin robot qurastyrdy,- dep habarlaidy Dalanews.kz.
Qurylǵy bólmedegi aýany úzdiksiz baqylap, qurǵaq bolǵanda ózdiginen iske qosylady. Robot naqty aqparatty dybystap jetkizedi, qurǵaq aýa baiqalǵanda ózdiginen iske qosylady jáne energiiany únemdeidi. Sonymen qatar ol bólme temperatýrasyndaǵy ósimdikterge paidaly, úide, mektepte jáne keńsede qoldanýǵa yńǵaily.
Oqýshy sensorlardy qoldanýdy úirenip, syzbasy men 3D modelin ázirledi, baǵdarlamalap, qurylǵyny ózi jinady. Mektep jaǵdaiynda synaqtan da ótkizip úlgerdi.
«Maqsatym – adamdarǵa qolaily orta qalyptastyryp, densaýlyqty qorǵaýǵa jáne tabiǵatty saqtaýǵa úles qosý. Aldaǵy ýaqytta robotymdy jetildirip, kúndelikti turmysta qoljetimdi etkim keledi», – deidi Nurillá.
Aldaǵy ýaqytta Nurillá robotyna jasandy intellekt elementterin qosyp, ekologiialyq monitoring júiesin jetildirýdi josparlap otyr. Ol jobasyn turmysta ǵana emes, bilim berý salasy men óndiriste de paidalanýǵa bolatynyn aitady.
Jetekshileri: Aian Sanqaibaeva, Saltanat Orynbaeva.
