Memleket basshysynyń Joldaýynda aitylǵan bilim berýdi tsifrlandyrý mindetterin iske asyrý maqsatynda Abai oblysynyń 40 aýyldyq mektebinde TopIQ-Mobil Box mobildi stantsiialary qoldanysqa engizilmek,- dep habarlaidy Dalanews.kz.
Jobany júzege asyryp otyrǵan «Almatykitap» baspasynyń prezidenti Gaýhar Saimasaeva
oblys ákimi Berik Ýálimen kezdesýde atalǵan mekemeniń quryltaishysy Eleonora Batalovanyń atynan mobildi stantsiialardyń sertifikatyn tabys etti.
TopIQ-Mobil Box – internetke qosylýǵa, TopIQ.kz platformasyn jáne ózge de bilim berý resýrstaryn paidalanýǵa múmkindik beretin zamanaýi qurylǵy. Stantsiia avtonomdy jumys istei alady, batareiasy 6 saǵatqa deiin jetedi. Ony synyptan synypqa erkin aýystyrýǵa bolady. Bul sheshim elektr qýaty shekteýli aýyl mektepteri úshin de qolaily.
Jobanyń negizgi quramdas bóligi – Qamqor jasandy intellekt kómekshisi. Ol elektrondy oqýlyqtarmen biriktirilgen jáne oqýshylarǵa uǵymdardy túsindirýge, muǵalimderge oqý materialdaryn daiyndaýǵa, test pen tapsyrmalardy qurastyrýǵa járdemdesedi.
Ótken oqý jylynda júie synaqtan ótip, ádebiet, informatika, algebra, biologiia sabaqtarynda tiimdiligin kórsetti. Muǵalimder oqýshylardyń sabaqqa qyzyǵýshylyǵy artqanyn jáne ózdiginen daiyndalýǵa yntalanǵanyn atap ótti.
Aldaǵy ýaqytta «Almatykitap baspasy» respýblika boiynsha 1000 TopIQ-Mobil Box stantsiiasyn tegin taratýdy josparlap otyr. Qurylǵylar aýyldyq mektepterge, TopIQ.kz platformasyn belsendi paidalanatyn bilim berý uiymdaryna jáne LiderTopIQ.kz baiqaýyna qatysýshy oqý oryndaryna beriledi.
Bul joba óńirdegi aýyl mektepteriniń materialdyq-tehnikalyq bazasyn jańǵyrtýǵa, bilim sapasyn arttyrýǵa jáne tsifrlyq bilim berý keńistigin damytýǵa yqpal etedi.
