Abai oblysynyń ákimi Berik Ýáli «Qazaqstan halqyna» qoǵamdyq qorynyń basqarma tóraiymy Lázzat Shyńǵysbaevamen kezdesti,– dep habarlaidy Dalanews.kz
Kezdesý barysynda qor tarapynan 3 jyldyń qorytyndysy boiynsha júzege asqan qaiyrymdylyq baǵdarlamalary men jobalarynyń nátijeleri týraly aityldy. Usynystar men aldaǵy josparlar talqylandy.
Qor qurylǵaly Abai oblysynda densaýlyq saqtaý, bilim berý jáne áleýmettik qoldaý salalaryndaǵy máselelerdi sheshý maqsatynda 10 mlrd teńgeden astam qarajat jumsalǵan. Óńirdegi 7 mekteptiń materialdyq-tehnikalyq bazasy tolyq jańǵyrtylǵan. Biyl jyl sońyna deiin taǵy 4 bilim ordasy jańartylady. «Balalarǵa arnalǵan 100 sport zaly» baǵdarlamasy aiasynda aimaqtyń 17 aýylyndaǵy sport zaly qajetti qurylǵylarmen jabdyqtalǵan.
Basqosýda qoǵamdyq qordyń basqarma tóraiymy «Qazaqstan halqyna» qoǵamdyq qory men Abai oblysy arasyndaǵy jolǵa qoiylǵan turaqty áriptestik bailanys odan ári jalǵasatynyn jetkizdi.
Kezdesýde oblystaǵy shaǵyn jinaqty mektepter men oqýshylarǵa qosymsha bilim beretin mekemelerdi jańǵyrtý, aýyldardaǵy kitaphanalardyń materialdyq-tehnikalyq bazasyn jańartý boiynsha usynystar aityldy.
Aimaq basshysy qor ujymyna óńir halqynyń atynan alǵysyn jetkizip, oblys ákimdigi qormen birlese jumys isteýge daiyn ekenin atap ótti.
«Prezidentimizdiń tikelei bastamasymen qurylǵan «Qazaqstan halqyna» qoǵamdyq qory óńir halqyna qajet jobalardy júzege asyrýda. Ásirese aýyl turǵyndary qorǵa rizashylyqtaryn bildirip jatyr. Biz biyl oblys kóleminde mektepter men kitaphanalardy jańǵyrtý boiynsha 40-qa jýyq jańa jobalardy sizdermen birlese otyryp júzege asyrýǵa daiynbyz», – dedi oblys ákimi.
