Abai oblysynyń ákimi Berik Ýáli oblys basshysy retindegi alǵashqy kezdesýin aqsaqaldar jáne ziialy qaýym ókilderimen ótkizdi, - dep habarlaidy Dalanews.kz.
Emen-jarqyn áńgime barysynda óńirdiń búgingi hal-ahýaly men keleshegine qatysty ózekti máseleler talqylandy.
Úlkenniń batasyn alǵannyń isi ońalar» degen sóz bar. Ózderińizben kezdesip, aqyl-keńesterińizdi, usynys-tilekterińizdi tyńdap, jumys barysynda qoldanyp, iske asyrý nietim bar. Sizderdiń qoldaýlaryńyzben oblysymyzdy damytý úshin bar-kúsh jigerimdi salamyn. Tarihi ádilettik ornap, osydan úsh jyl buryn Memleket basshysy Qasym-Jomart Toqaev oblysymyzdy qaitadan ashty. El erekshe qýandy. Endi qýanyshty áserden arylyp, naqty jumys isteitin kez keldi. Óńirde sheshimin kútken ózekti máseleler kóp. Alda oblys qurylǵannan bergi atqarylǵan jumysty jalǵastyryp, Prezidenttiń tapsyrmalaryn oryndaý mindeti tur, — dedi oblys ákimi.
Aimaq basshysy Prezident júktegen ekonomikany ártaraptandyrýǵa, investitsiialyq ahýaldy jaqsartýǵa, týrizmdi damytýǵa, óńirdegi tarihi jáne mádeni oryndardyń áleýetin ashýǵa den qoiylyp, aýyl sharýashylyǵy, kólik-logistika salalaryna erekshe kóńil bólinetinin atap ótti.
Kezdesýde sóz alǵan aqsaqaldar men ziialy qaýym ókilderi aýyl-aimaqtardy damytýǵa, týrizm, aýyl sharýashylyǵy, mádeniet salalaryna nazar aýdarylsa degen tilekterin jetkizdi.
Jasyratyny joq, ekonomikany jaqsartyp, áleýmettik máseleni sheshý úshin jaqsy bailanys, igi qarym-qatynas ta kerek. Bul rette Berik Ýáliulynyń tájiribesi mol. Ortalyqta da, basqa óńirlerde de jumys istep, memlekettik qyzmette ábden shyńdaldy. Elge qyzmet etýge kelgen azamatymyzdyń janynan tabylyp, tóńiregine toptasyp, eldiń bereke-birligin kórsetýimiz kerek,- dedi Abai oblysy qoǵamdyq keńesiniń tóraǵasy Meiramhat Ainabekov.
Oblys basshysy aimaqty damytý birlesken jumysty qajet etetinin aitty.
Týǵan jerde qyzmet isteý – úlken abyroi ǵana emes, zor jaýapkershilik. Semei – qazaq rýhaniiatynyń temirqazyǵy, Alashtyń astanasy. Alash arystarynyń izi qalǵan qasietti jer. Ahmet Baitursynovtyń «Biz basqadan kem bolmas úshin bilimdi, bai hám kúshti bolýymyz kerek» degen sózi bar. Alash ardaqtysynyń osy ósietin basshylyqqa alyp, sizdermen birlesip, óńirimizdi damyta bereiik, -dedi oblys ákimi Berik Ýáli.
Kezdesý sońynda Abai oblysynyń abyz aqsaqaly Moldabek Janbolatov aimaq basshysyna izgi lebizin bildirip, aq batasyn berdi.
