Abai oblysynyń ákimi Berik Ýálidiń tóraǵalyǵymen Qazaqstan halqy Assambleiasynyń 30 jyldyǵyna arnalǵan keńeitilgen keńes ótti. Jiynǵa óńirdegi etnomádeni birlestikterdiń, qoǵamdyq institýttardyń ókilderi qatysty, dep habarlaidy Dalanews.kz
Búginde oblysta 5 Dostyq úii men 46 etnomádeni birlestik jumys isteidi. Jyl basynan beri qoǵamdyq kelisim men birlikti nyǵaitýǵa baǵyttalǵan 250-den astam is-shara uiymdastyrylǵan.
Keńeste sóz alǵan oblys ákimi Qazaqstan halqy Assambleiasynyń elimizdiń biregeiligin aiqyndaityn, azamattyq tutastyǵyn arttyratyn, etnosaralyq kelisimdi naqty ispen júzege asyratyn mańyzdy qoǵamdyq institýt ekenin atap ótti.
«Memleket basshysy Qasym-Jomart Kemeluly Toqaevtyń qoǵamdyq-saiasi reformalarynyń nátijesinde bul mańyzdy institýttyń qyzmetine tyń serpin, jańa mazmun berilip keledi. Qazaqstan halqy Assambleiasynyń HHHII sessiiasynda Prezidentimiz: «Yntymaǵy bekem jurttyń bolashaǵy baiandy bolady. El birligin nyǵaitý jáne Otanymyzdy órkendetý – qasietti paryz», – dep naqty mindet qoidy. Bul – barshamyz úshin ortaq tarihi jaýapkershilik. Dana halqymyzda «Yntymaqty elge baq qonar» degen ataly sóz bar. Bul turǵydan alǵanda «Assambleia» – senim men syilastyqtyń alańy, tatýlyq pen turaqtylyqtyń tiregi. Etnostardyń mádenietin, tilin, salt-dástúrin qurmettei otyryp, bárimizdi biriktiretin – bir múdde men ortaq bolashaq. Otanymyzdyń irgesi berik, shańyraǵy qashanda biik bolsyn! Qazaqstan halqy Assambleiasynyń 30 jyldyq mereili merekesi qutty bolsyn!», - dedi aimaq basshysy.
Oblys ákimi jiyn barysynda Abaidyń 180 jyldyǵyna orai Memleket basshysynyń qoldaýymen «Abaiǵa qurmet» respýblikalyq aktsiiasy bastalǵanyn aitty. Igi bastama aiasynda elimizdiń barlyq oblystary óńirimizge tartý jasamaq. Aimaq basshysy Mańǵystaý oblysy Semei qalasyna jańa Dostyq úiin salyp beretinin jetkizdi.
«Bul shyn máninde elimizdiń ishki birligin, yntymaǵy jarasqan elimizdiń birtutastyǵyn kórsetedi. Osyndai qýanyshty jańalyq úshin biz Prezidentimizge, Úkimetke jáne Mańǵystaý oblysynyń ákimdigine alǵys aitamyz», - dedi oblys ákimi.
Keńes aiasynda etnomádeni birlestik, qoǵamdyq institýt ókilderi, dini qyzmetkerler, Dostyq úileriniń direktorlary, máslihat depýtattary men eńbek ardagerleri «Qazaqstan halqy Assambleiasyna 30 jyl» merekelik medalimen marapattaldy.
