OPEC+ elderi 7 maýsymda ótetin kezdesýde shilde aiyna arnalǵan munai óndirý kvotasyn arttyrý máselesin talqylaidy, dep habarlaidy dalanews.kz.
Reuters derekterine sáikes, uiymǵa kiretin jeti negizgi munai óndirýshi el táýligine shamamen 188 myń barrelge óndiristi ulǵaitý týraly kelisimge kelýi múmkin. Talqylaý aiasynda Saýd Arabiiasy, Resei, Irak, Kýveit, Aljir, Qazaqstan jáne Omannyń pozitsiiasy nazarda bolady.
Sheshimniń basty sebepteriniń biri – Irandaǵy áskeri qaqtyǵys saldarynan munai jetkizilimderiniń buzylýy jáne naryqtaǵy usynystyń qysqarýy. Sarapshylardyń aitýynsha, qazirgi geosaiasi táýekelderge qaramastan OPEC+ naryqtaǵy úlesin saqtap qalýǵa tyrysyp otyr.
Sońǵy ailarda uiym óndiris kólemin birtindep arttyrý saiasatyn ustanyp keledi. Sáýirden bastap shekteýlerdiń bir bóligi alynǵan, al maýsym aiynda da óndirý kólemin ulǵaitý týraly sheshim qabyldanǵan bolatyn. Qazir uiym shildege arnalǵan kelesi qadamdy talqylap jatyr.
Munai naryǵyndaǵy jaǵdaiǵa Iran tóńiregindegi ahýal da áser etip otyr. Reuters málimetinshe, Taiaý Shyǵystaǵy jaǵdaidan keiin álemdik jetkizilim kólemi qysqaryp, munai baǵasy qaita óse bastaǵan. Brent markaly munai baǵasy barreline 105 dollardan asqan.
Sonymen qatar Halyqaralyq energetika agenttigi jaz ailarynda munai naryǵy «táýekel aimaǵyna» ótýi múmkin ekenin eskertti. Agenttik muny suranystyń artýy, qorlardyń azaiýy jáne jetkizilim problemalarymen bailanystyrady.
Qazaqstan úshin bul másele erekshe mańyzǵa ie. El OPEC+ kelisimine qatysýshy memleketterdiń biri sanalady jáne munai óndirý kólemine qatysty sheshimder eksport, biýdjet kirisi jáne energetikalyq sektor kórsetkishterine tikelei áser etedi.
