«Mereili otbasy» baiqaýy otbasylyq qundylyqtar-berik dostyq, súiispenshilik, ózara syilastyq, bolashaq urpaqty, elimizdiń naǵyz azamattaryn tárbieleýge baǵyttalǵan mańyzdy joba. Abai oblysynda «Mereili otbasy» baiqaýy túiindelipi, jeńimpazdar marapttalady, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Abai oblysynyń Ishki saiasat basqarmasy basshysynyń orynbasary Arman Serikqanuly jalpy baiqaýǵa oblystyń barlyq aýdandarynan 100-den astam otbasy qatysyp, oblystyq kezeńge 21 otbasy iriktelgenin atap ótti.
Baiqaý qorytyndysy boiynsha I oryndy Besqaraǵai aýdanynan kelgen Smaǵulovtar otbasy, II oryndy Abai aýdanynan Orazaly otbasy, III oryndy Úrjar aýdanynan kelgen Káp otbasy jáne Semei qalasynan Nurahmetovtar otbasy ielengen.
Bul baiqaý 2014 jyldan bastap respýblikalyq deńgeiinde elimizdiń barlyq oblysynda uiymdastyrylýda. Abai oblysynda 3 jyldan beri úzdiksiz ótip keledi. Baiqaý oblysta otbasy qundylyqtary men ata-ana tárbiesin nasihattaýdaǵy mańyzdy sharaǵa ainalyp otyr. Ana men ákeniń róli birdei ekenin kórsetýde. Mundai sharalar qazaqstandyq otbasylardyń oń imidjin qalyptastyratyny sózsiz.
Baiqaýda baq synap, óz shańyraqtarynyń berekedi otbasy qupiiasymen bólisken áýletterdiń biri Smaǵulovtar januiasy. Olar aýyl sharýashylyǵy salasynyń kóshin órge domalatyp júrgen áýlet.
– «Mereili otbasy» baiqaýyna qatysyp ózimdi erekshe baqytty sezindim. Bul baiqaýǵa qatysqannan bastap tálim-tárbie jaǵynan jáne rýhani turǵydan kemeldene túskenimizdi baiqadyq. Artymyzdan kele jatqan jas urpaqqa baiqaidyń berer tárbiesi mol dep oilaimyn. Osyny uiymdastyrǵan basshylarǵa alǵysym sheksiz. Baiqaýǵa qatysý barysynda otbasymyzben 1-2 ai daiyndaldyqlyq. Esil eńbegimiz beker ketken joq, – deidi I orynǵa ie bolǵan Sabira Smaǵulova oiyn ortaǵa saldy.
Jeńimpazdar men júldegerler estelik syilyqtar, sondai-aq aqshalai sertifikattar aldy. Saltanatty is-shara sońynda qonaqtar úshin merekelik kontsert ótkizildi.
