«مەرەيلى وتباسى» بايقاۋى وتباسىلىق قۇندىلىقتار-بەرىك دوستىق، سۇيىسپەنشىلىك، ءوزارا سىيلاستىق، بولاشاق ۇرپاقتى، ەلىمىزدىڭ ناعىز ازاماتتارىن تاربيەلەۋگە باعىتتالعان ماڭىزدى جوبا. اباي وبلىسىندا «مەرەيلى وتباسى» بايقاۋى تۇيىندەلىپى، جەڭىمپازدار ماراپتتالادى، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.
اباي وبلىسىنىڭ ىشكى ساياسات باسقارماسى باسشىسىنىڭ ورىنباسارى ارمان سەرىكقان ۇلى جالپى بايقاۋعا وبلىستىڭ بارلىق اۋداندارىنان 100-دەن استام وتباسى قاتىسىپ، وبلىستىق كەزەڭگە 21 وتباسى ىرىكتەلگەنىن اتاپ ءوتتى.
بايقاۋ قورىتىندىسى بويىنشا I ورىندى بەسقاراعاي اۋدانىنان كەلگەن سماعۇلوۆتار وتباسى، II ورىندى اباي اۋدانىنان ورازالى وتباسى، III ورىندى ءۇرجار اۋدانىنان كەلگەن كاپ وتباسى جانە سەمەي قالاسىنان نۇراحمەتوۆتار وتباسى يەلەنگەن.
بۇل بايقاۋ 2014 جىلدان باستاپ رەسپۋبليكالىق دەڭگەيىندە ەلىمىزدىڭ بارلىق وبلىسىندا ۇيىمداستىرىلۋدا. اباي وبلىسىندا 3 جىلدان بەرى ۇزدىكسىز ءوتىپ كەلەدى. بايقاۋ وبلىستا وتباسى قۇندىلىقتارى مەن اتا-انا تاربيەسىن ناسيحاتتاۋداعى ماڭىزدى شاراعا اينالىپ وتىر. انا مەن اكەنىڭ ءرولى بىردەي ەكەنىن كورسەتۋدە. مۇنداي شارالار قازاقستاندىق وتباسىلاردىڭ وڭ ءيميدجىن قالىپتاستىراتىنى ءسوزسىز.
بايقاۋدا ب ا ق سىناپ، ءوز شاڭىراقتارىنىڭ بەرەكەدى وتباسى قۇپياسىمەن بولىسكەن اۋلەتتەردىڭ ءبىرى سماعۇلوۆتار جانۇياسى. ولار اۋىل شارۋاشىلىعى سالاسىنىڭ كوشىن ورگە دومالاتىپ جۇرگەن اۋلەت.
– «مەرەيلى وتباسى» بايقاۋىنا قاتىسىپ ءوزىمدى ەرەكشە باقىتتى سەزىندىم. بۇل بايقاۋعا قاتىسقاننان باستاپ تالىم-تاربيە جاعىنان جانە رۋحاني تۇرعىدان كەمەلدەنە تۇسكەنىمىزدى بايقادىق. ارتىمىزدان كەلە جاتقان جاس ۇرپاققا بايقايدىڭ بەرەر تاربيەسى مول دەپ ويلايمىن. وسىنى ۇيىمداستىرعان باسشىلارعا العىسىم شەكسىز. بايقاۋعا قاتىسۋ بارىسىندا وتباسىمىزبەن 1-2 اي دايىندالدىقلىق. ەسىل ەڭبەگىمىز بەكەر كەتكەن جوق، – دەيدى ءى ورىنعا يە بولعان سابيرا سماعۇلوۆا ويىن ورتاعا سالدى.
جەڭىمپازدار مەن جۇلدەگەرلەر ەستەلىك سىيلىقتار، سونداي-اق اقشالاي سەرتيفيكاتتار الدى. سالتاناتتى ءىس-شارا سوڭىندا قوناقتار ءۇشىن مەرەكەلىك كونسەرت وتكىزىلدى.
