Abaı oblysynda boran men kóktaıǵaqta jantúrshigerlik jol apaty boldy. Omby–Maıqapshaǵaı tas jolynda adam ólimine ákelgen jol-kólik oqıǵasy tirkeldi. Saldarynan tórt adam qaza taýyp, taǵy úsh adam jaraqat aldy, dep habarlaıdy Dalanews.kz.
Qaıǵyly oqıǵa 19 aqpan kúni qala syrtyndaǵy trassada bolǵan. Oqıǵa ornynan túsirilgen beınejazbada qatty boran soǵyp, joldyń kóktaıǵaq ekeni baıqalady. Kólikterdiń biriniń aldyńǵy bóligi qatty zaqymdanǵan.
Qazir oqıǵanyń mán-jaıy anyqtalyp jatyr.
"Aldyn ala anyqtalǵandaı, tasjoldyń 867-shaqyrymynda Jarma aýdany Salqyntóbe aýyly aýmaǵynda Lada Priora jáne Chevrolet Cobalt kólikteri soqtyǵysty. Jol apaty saldarynan tórt adam qaza boldy, taǵy úsh adam jaraqattandy",- dep jazylǵan Abaı oblysy PD habarlamasynda.
Sotqa deıingi tergeý amaldary júrip jatyr.
