Abai oblysynda áskeri qyzmetker poligonda bolǵan oqiǵa saldarynan qaza tapty, dep habarlaidy Dalanews.kz.
2026 jylǵy 5 naýryzda Abai oblysynda áskeri tehnikany paidalaný kezinde qaýipsizdik sharalaryn buzý saldarynan kelisimshart boiynsha áskeri qyzmetshi jaraqat alyp, qaza tapty.
Atalǵan fakt boiynsha sotqa deiingi tergep-tekserý júrgizilýde, oqiǵanyń barlyq mán-jaiy anyqtalýda. Oqiǵa ornynda quzyrly organdardyń ókilderi jumys istep jatyr.
Qazaqstan Respýblikasy Qarýly Kúshteri Qurlyq áskerleriniń qolbasshylyǵy men jeke quramy qaza tapqan áskeri qyzmetshiniń týǵan-týystary men jaqyndaryna qaiǵyra kóńil aitty. Olarǵa belgilengen tártippen qajetti qoldaý kórsetiledi.
