Abai oblysynda 226 myńnan astam bala bilim alatyn 561 bilim berý mekemesi jumys isteidi.
Bul týraly óńirlik kommýnikatsiialar qyzmetinde ótken baspasóz máslihatynda oblystyq bilim basqarmasynyń basshysy Nurjan Ahmetqaliev málimdedi.
-Semei qalasynda biyl mektepke deiingi bilim berý sapasyn arttyrý jáne balalardy tolyq qamtý maqsatynda 2 jekemenshik balabaqsha ashylyp, 183 jańa oryn paidalanýǵa berildi. Sonymen qatar qoldanystaǵy mektepke deiingi mekemelerdiń syiymdylyǵy 1466 orynǵa ulǵaityldy. 2027 jylǵa deiin memlekettik-jekemenshik áriptestik aiasynda 2100 orynǵa arnalǵan 9 balabaqsha salý josparlanǵan. Budan bólek, oblystaǵy 8700 oqýshynyń oryn tapshylyǵy máselesi 4 jaily mektep pen 6 shaǵyn jinaqty mekteptiń qurylysy arqyly sheshiletin bolady, – dep málimdedi bilim basqarmasynyń basshysy.
-Bilim salasyna jeke investitsiialar tartý nátijesinde biyl oblys ortalyǵynda «KAZ Minerals Management» kompaniiasynyń qarjylandyrýymen 1200 oryndyq IT mektep ashyldy. Sonymen qatar tehnikalyq jáne kásiptik bilim berý salasyn damytý maqsatynda IT jáne jańa tehnologiialar joǵary kolledji óz jumysyn bastady. Qyrkúiek aiynda «Qarajyra» AQ-nyń jeke investitsiialary esebinen M.O. Áýezov atyndaǵy pedagogikalyq kolledjde 300 oryndyq kontsert zaly paidalanýǵa berildi, – dedi Nurjan Ahmetqaliev.
Spikerdiń aitýynsha, bilim berý mekemeleriniń materialdyq-tehnikalyq bazasyn nyǵaitý maqsatynda 46 mektepke 48 jańa pándik kabinet satyp alynyp, 320 interaktivti panel ornatylǵan. «Qazaqstan halqyna» qorynyń qoldaýymen 4 tirek mektepte jalpy somasy 1 mlrd teńgege jańǵyrtý jumystary júrgizildi. Sonymen qatar aýyldyq 127 mektepte Starlink júiesi qosylyp, internet jyldamdyǵy 4 Mbit/s-ten 100-200 Mbit/s-ke deiin artqan.
Abai oblysynda balalardy sapaly bilimmen, zamanaýi infraqurylymmen qamtamasyz etý basymdyqtardyń biri bolyp qala beredi. 2024 jyly qol jetkizgen jetistikter oblystyń bilim salasyndaǵy bolashaǵy jarqyn ekenin aiǵaqtaidy. 2025 jylda osy baǵyttaǵy jumystar jalǵasady.
