Abai oblysynda 10 myń gektardan astam jer memleket menshigine qaitaryldy, dep habarlaidy Dalanews.kz.
Jańasemei aýdanynyń prokýratýrasymen jer zańnamasy talaptarynyń saqtalýyna júrgizilgen taldaý nátijesinde jer resýrstaryn basqarý salasynda birqatar zańbuzýshylyqtar anyqtaldy.
Jer kodeksine sáikes, jer ýchaskeleri azamattarǵa jáne zańdy tulǵalarǵa jalǵa berilýi múmkin. Alaida, jalpy aýdany 10 myń gektardan asatyn, quny 263 mln teńgeden joǵary bolatyn 13 jer ýchaskesi boiynsha jaldaý sharttarynyń merzimi 2024 jyly aiaqtalǵany anyqtaldy.
Soǵan qaramastan, ýákiletti organ osy ýchaskelerdi alyp qoiý jáne olardy memleket menshigine qaitarý sharalaryn qabyldamaǵan. Bul áreket qoldanystaǵy zańnamanyń buzylýyna jatady.
Tek aýdan prokýratýrasynyń tekserisinen keiin ǵana kórsetilgen jer ýchaskeleri memleket menshigine qaitaryldy.
Prokýrorlyq qadaǵalaý aktisi negizinde óz qyzmettik mindetterin tiisinshe oryndamaǵany úshin aýdandyq jer qatynastary bóliminiń basshysy tártiptik jaýaptylyqqa tartyldy.
