اباي وبلىسىندا 10 مىڭ گەكتاردان استام جەر مەملەكەت مەنشىگىنە قايتارىلدى، دەپ حابارلايدى Dalanews.kz.
جاڭاسەمەي اۋدانىنىڭ پروكۋراتۋراسىمەن جەر زاڭناماسى تالاپتارىنىڭ ساقتالۋىنا جۇرگىزىلگەن تالداۋ ناتيجەسىندە جەر رەسۋرستارىن باسقارۋ سالاسىندا ءبىرقاتار زاڭبۇزۋشىلىقتار انىقتالدى.
جەر كودەكسىنە سايكەس، جەر ۋچاسكەلەرى ازاماتتارعا جانە زاڭدى تۇلعالارعا جالعا بەرiلۋi مۇمكىن. الايدا، جالپى اۋدانى 10 مىڭ گەكتاردان اساتىن، قۇنى 263 ملن تەڭگەدەن جوعارى بولاتىن 13 جەر ۋچاسكەسى بويىنشا جالداۋ شارتتارىنىڭ مەرزىمى 2024 جىلى اياقتالعانى انىقتالدى.
سوعان قاراماستان، ۋاكىلەتتى ورگان وسى ۋچاسكەلەردى الىپ قويۋ جانە ولاردى مەملەكەت مەنشىگىنە قايتارۋ شارالارىن قابىلداماعان. بۇل ارەكەت قولدانىستاعى زاڭنامانىڭ بۇزىلۋىنا جاتادى.
تەك اۋدان پروكۋراتۋراسىنىڭ تەكسەرىسىنەن كەيىن عانا كورسەتىلگەن جەر ۋچاسكەلەرى مەملەكەت مەنشىگىنە قايتارىلدى.
پروكۋرورلىق قاداعالاۋ اكتىسى نەگىزىندە ءوز قىزمەتتىك مىندەتتەرىن تيىسىنشە ورىنداماعانى ءۇشىن اۋداندىق جەر قاتىناستارى ءبولىمىنىڭ باسشىسى تارتىپتىك جاۋاپتىلىققا تارتىلدى.
