Abai murasy – adamzattyń baǵa jetpes qazynasy
«2020 jyl Qazaqstanda balalar men jasóspirimderiń kitap oqýyn qoldaý jyly» bolyp jariialandy. Qazirgi tańda balalardy teledidar men kompiýter, uialy telefon aldyndaǵy ýaqytyn shekteý ózekti másele. Sondyqtan kitap oqýdy jandandyryp, oqýǵa tartý arqyly jas jetkinshekti qazaq ádebietinen alystatyp almaýdyń amalyn tabýymyz qajet. Osyǵan orai, Aqtóbe qalasyndaǵy S.Jienbaev atyndaǵy oblystyq jasóspirimder kitaphanasy balalar men jasóspirimder arasynda birneshe sharalar ótkizip keledi. Búginde jas urpaqty kitap oqýǵa baýlýdy ár túrli is-sharalar ótkizý arqyly balanyń kitapqa degen qyzyǵýshylyǵyn arttyrýǵa bolady. Osy maqsatty júzege asyrý jolynda oblystyq jasóspirimder kitaphanasynyń qyzmetkerleri aianbai eńbek etip, óz úlesterin barynsha qosýda. Ústimizdegi jyldyń 28, 29 mamyr kúnderi keshki saǵat 19.00-21.30 aralyǵynda «Ádebiet aialdamasy» jobasymen «Abai gúlzary» saiabaǵyna shyǵyp, Abai oqýlaryn ótkizdi. Sharany tamashalaýǵa oblys ákimi Ońdasyn Orazalin, Aqtóbe mádeniet, arhivter jáne qujattama basqarmasynyń basshysy Altynai Iýnýsova keldi. Atalmysh shara barysynda jastar uly aqyn Abai Qunanbaevtyń óleńderin jatqa oqydy. Óleń oqyǵan jasóspirimder arasynda Respýblikalyq baiqaýlardyń júldegeri Aqtóbe qalasyndaǵy №57 Jalpy bilim beretin orta mekteptiń oqýshysy Qumar Saiasat, Aqtóbe gýmanitarlyq kolledjiniń stýdenti respýblikalyq Abai oqýlarynyń bas júlde iegeri, uly aqynnyń júzge jýyq óleńderin jatqa biletin Serikova Ańsaǵan, sondai-aq M.Dýlatuly atyndaǵy №63 Jalpy bilim beretin orta mektep litseiiniń oqýshysy Ahmetjanqyzy Aqjan Abai óleńderin oqyp, kópshilikti tamsandyrdy. Shara barysynda jastar arasynan Latipbaeva Gúlsana, Nurabekova Albina, Málik Gúlnara taǵy da basqa jastar óz ónerlerin ortaǵa saldy. «Abai murasy - adamzattyń baǵa jetpes qazynasy» atty kitap kórmesi jáne balalarǵa arnalǵan kitaptardan býkkrosing uiymdastyryldy. Abai Qunanbaevtyń ómiri men shyǵarmashylyǵynan viktorinalyq oiyndar ótkizildi. Qala turǵyndaryna kitaphananyń jarnamalyq paraqshalary taratyldy. Sharaǵa qatysýshy jastar alǵys hatpen marapattaldy. «Ádebiet aialdamasy» jobasy aiasynda ótkiziletin sharalar aptanyń juma, senbi kúnderi keshki ýaqytta qyrkúiek aiyna deiin jalǵasyn tabady.
"Tanymnyń bar tamashasy kitapta, olarǵa qol jetkizý úshin kitap oqýdan jalyqpa" degen eken danyshpan aqyn Abai Qunanbaiuly. Sondyqtan kitaptyń adam ómirinde mańyzy zor. Ásirese balalardy ár túrli kitap túrlerimen tanystyryp, kitapqa degen qyzyǵýshylyqqa tárbieleýimiz qajet. Bul iske bilim berý mekemelerimen qatar, mádeniettiń ordasy kitaphananyń, iaǵni kitaphanashylardyń da eńbegi zor jáne mindetimiz dep bilemiz. Óitkeni ult tárbiesiniń qainar kózi kitaphanada.
Altyngúl Ermekbaeva, S.Jienbaev atyndaǵy oblystyq jasóspirimder kitaphanasynyń bólim meńgerýshisi.
Aqtóbe qalasy.
