Abaidyń 180 jyldyq mereitoiy aiasynda Abai aýdanynyń Qaraýyl aýyly mańyndaǵy Qaraýyltóbede «Abai eli» stellasy paidalanýǵa berildi. Eskertkishtiń ashylýyna oblys ákimi Berik Ýáli, aýdannyń aqsaqaldary qatysty,- dep habarlaidy Dalanews.kz
Mereitoi aiasynda eskertkishke aparar baspaldaq salynyp, abattandyryldy.
Eskertkish tórt tuǵyrly. Birinshi tuǵyry: qaýyrsyn qalam nemese «Óleń sózdiń patshasy, sóz sarasy». Ekinshi tuǵyry: Qalqan – keshegi el qorǵaǵan batyrlar men búgingi erlerimizdiń erlik aibary. Úshinshi tuǵyry: Dombyra – Abaidyń jany men ániniń ózegi. Tórtinshi tuǵyry: ulylardy týdyrǵan aqbesik. Eskertkishtiń eń basy, sharyqtaý shegi – ǵalamshar men ony ainala qalyqtaǵan tynyshtyq pen turaqtylyqtyń simvoly – qarlyǵash qus.
Aýdan kásipkerleriniń demeýshiligimen boi kótergen eskertkishtiń avtory – músinshi Nurbol Qaliev.
«El-jurttyń bereke-birliginiń arqasynda respýblikalyq deńgeidegi toidy oidaǵydai ótkizdik dep oilaimyn. Basqa oblystan delegatsiialar kelip, qoldaý kórsetti. Bir-bir nysannan salyp bermek. Munyń bári – Memleket basshysy Qasym-Jomart Kemeluly Toqaevtyń tikelei qoldaýy. Abai eli –aqyndar eli, batyrlar eli. Búgin úlken mereitoi aiasynda Qaraýyl aýylynda mán-maǵynasy óte tereń ashyldy», – dedi aimaq basshysy.
Bul nysan aýdan qonaqtary úshin aýyldyń kórkem kelbetin biikten tamashalaýǵa múmkindik beretin erekshe kórikti orynǵa ainalmaq.
