Shymkent qalasy Bilim basqarmasyna qarasty №1 keshki ortalaý mektebiniń direktory Ysqaq Asanov «Abaidyń qara sózderi» degen alyp kitapty alystan Abai eline alyp keldi.
Kemeńger aqynnyń qara sózderi toptastyrylǵan alyp kitaptyń salmaǵy 27 kelini quraidy.
Qazaqstannyń 2020 jylǵy Rekkordtar kitabyna engen kitapty shymkenttik bilimgerler aqynnyń kindik qany tamǵan Qaraýyl aýylyndaǵy M.Áýezov atyndaǵy ortalyqtandyrylǵan kitaphanaǵa syiǵa tartýdy jón dep sheshipti.
Aldaǵy ýaqytta atalmysh kitapty Abai aýylyna saiahattap kelgen kez kelgen adam tamashalai alady.
Kermet syi jetkizgen shymkenttik bilimgerler aýdandaǵy Abai eskertkishine gúl shoǵyn qoiyp, taǵzym etti. Osy rette M.Áýezov atyndaǵy ortalyqtandyrylǵan kitaphanada ótken shaǵyn is-sharada tiisti sanitarlyq saqtyq sharalary tolyqtai saqtalǵanyn aita ketýimiz kerek.
Shaǵy quramda ótken keshte Uly aqynnyń óleńderi oqylyp, ánderi shyrqaldy. Kitaphana qyzmetkerleri osyndai eshkimniń oiyna kelmeitin syi jasaǵan Shymkent qalasynyń ustazdaryna alǵys aityp, rizashylyqtaryn bildirdi.
