شىمكەنت قالاسى ءبىلىم باسقارماسىنا قاراستى №1 كەشكى ورتالاۋ مەكتەبىنىڭ ديرەكتورى ىسقاق اسانوۆ «ابايدىڭ قارا سوزدەرى» دەگەن الىپ كىتاپتى الىستان اباي ەلىنە الىپ كەلدى.
كەمەڭگەر اقىننىڭ قارا سوزدەرى توپتاستىرىلعان الىپ كىتاپتىڭ سالماعى 27 كەلىنى قۇرايدى.
قازاقستاننىڭ 2020 جىلعى رەككوردتار كىتابىنا ەنگەن كىتاپتى شىمكەنتتىك بىلىمگەرلەر اقىننىڭ كىندىك قانى تامعان قاراۋىل اۋىلىنداعى م.اۋەزوۆ اتىنداعى ورتالىقتاندىرىلعان كىتاپحاناعا سىيعا تارتۋدى ءجون دەپ شەشىپتى.
الداعى ۋاقىتتا اتالمىش كىتاپتى اباي اۋىلىنا ساياحاتتاپ كەلگەن كەز كەلگەن ادام تاماشالاي الادى.
كەرمەت سىي جەتكىزگەن شىمكەنتتىك بىلىمگەرلەر اۋدانداعى اباي ەسكەرتكىشىنە گۇل شوعىن قويىپ، تاعزىم ەتتى. وسى رەتتە م.اۋەزوۆ اتىنداعى ورتالىقتاندىرىلعان كىتاپحانادا وتكەن شاعىن ءىس-شارادا ءتيىستى سانيتارلىق ساقتىق شارالارى تولىقتاي ساقتالعانىن ايتا كەتۋىمىز كەرەك.
شاعى قۇرامدا وتكەن كەشتە ۇلى اقىننىڭ ولەڭدەرى وقىلىپ، اندەرى شىرقالدى. كىتاپحانا قىزمەتكەرلەرى وسىنداي ەشكىمنىڭ ويىنا كەلمەيتىن سىي جاساعان شىمكەنت قالاسىنىڭ ۇستازدارىنا العىس ايتىپ، ريزاشىلىقتارىن ءبىلدىردى.
