«Abai – zaman tynysy, halyq úni. Búgin ol ún bizdiń de únge qosylyp, jańǵyryp, jańa óris alyp tur». Halqymyzdyń qasterli uly Muhtar Áýezov jazǵandai, hákim Abaidyń alty Alashqa amanattap qaldyrǵan mol murasyn nasihattaý búgingi urpaqqa júktelgen júgi jaýapty mindet.
Almatydaǵy Jetisý aýdany Maǵjan Jumabaev atyndaǵy №137 jalpy bilim beretin qazaq mektebinde uiymdastyrylǵan «Abai - dara, Abai - dana –qazaqta» atalatyn ádebi kesh óte joǵary deńgeide uiymdastyryldy. Uly babamyzdyń ómir joly, ósken ortasy týraly baiandaityn teatrlandyrylǵan qoiylymda mektep oqýshylary baryn saldy. Atalǵan sharaǵa qatysyp qaitqan «Qala men Dala» gazetiniń jýrnalisteri mektep oqýshylarynyń Abai babamyzdyń obrazyn ashqan, jalpy sol dáýirdiń bolmysyn boiamasyz kórsetken talaby men talantyna tánti boldy desek, artyq emes.
Mektep direktory Láila Baiymbetovanyń aitýynsha, osyndaǵy «Jas órken» jasóspirimder teatry 2006 jyly qurylǵan eken. Jáne sodan bergi ýaqytta birneshe ret qalalyq konkýrstar men baiqaýlardyń júldegeri atanyp úlgeripti. «Teatrymyzdyń quramy jylda jańaryp, tolyǵyp otyrady. Bastysy túrli qoiylymdarǵa qatysyp, óz ónerin pash etkisi keletin oqýshylarymyz kóp. Qazirgi kúni ujymnyń quramynda barlyǵy 68 oqýshy bar», – dedi bul rette mektep direktory.
«Abai – dara, Abai – dana –qazaqta» atalatyn ádebi kesh óte joǵary deńgeide uiymdastyryldy. Uly babamyzdyń ómir joly, ósken ortasy týraly baiandaityn teatrlandyrylǵan qoiylymda mektep oqýshylary baryn saldy.
Jasóspirimder teatryna mundaǵy qazaq tili jáne ádebiet pániniń muǵalimi Sáýle Núrkeeva jetekshilik etedi. Búginge deiin mektep teatry «Esirtken erke», «Jeltoqsan jeli», « Eki júrek», «Abai tragediiasy» atty kesek qoiylymdar qoiyp, kórermenniń kóńilinen shyqqan. Bolashaqta óner jolyn tańdaǵysy keletin oqýshylar mekteptiń ártúrli merekelik is-sharalaryna da únemi atsalysyp otyrady.
[caption id="attachment_8255" align="alignright" width="480"]
Al artyna ólmeituǵyn sóz qaldyrǵan uly aqynǵa arnalǵan teatrlandyrylǵan qoiylym óte sátti ótti. «Ulylyqtyń syryna qanyq bolǵymyz kelse, daralyqtyń qandai bolatynyn uǵynǵymyz kelse, dana Abai álemin sharlap qaitalyq, qurmetti halaiyq!», – dep shymyldyq túrgen keshte Abaidyń óleń-jyrlary, qara sózderi oqyldy. Aqynnyń ǵylymdaǵy ustanymy, patshalyq el bileý júiesine, oqytý tártibine qatysty aitylǵan syndary da jan-jaqty kórsetildi. Oqýshylar aqynnyń poeziiasyna búgingi kún turǵysynan baǵa berip, bul tarapta: «Abaidyń ádebi muralarynyń tarihi-áleýmettik mańyzy zor» degen pikir bildirdi.
Al keshtiń sońyn túiindegen mektep direktory Láila Baiymbetova keler jyly aqynnyń dúniege kelgenine 170 jyl tolatynyn jáne bilim ordasy osynaý aitýly sharaǵa erekshe daiyndalaryn tilge tiek etti. 700-den astam oqýshy tálim alatyn mektep Jetisý aýdanyndaǵy betke ustar bilim ordalarynyń biri.
Aiaýlym ShAIMARDAN
