A. Batalov: «Mádeniet – ulttyń qýaty»
Saltanatty jiynda sóz sóilegen oblys ákimi Amandyq Batalov kásibi merekemen quttyqtap, mádeniet salasynyń qoǵam ómirindegi mańyzyna toqtalyp ótti.
– Mádeniet – ulttyń qýaty, ǵasyrlar boiy úzilmei kele jatqan rýhani bolmysy, aqyl-oi, parasaty. Elbasymyz Nursultan Ábishuly: «Mádeniet – eldiń eń basty rýhani bailyǵy, asyl murasy. Qai eldiń mádenieti myqty damysa, sol eldiń eńsesi de biik bolady» dep atap ótip, «Eýraziianyń eń bir bai da biregei mádenieti – qazaq mádenieti» degen edi. Halyqqa sapaly mádeni qyzmet kórsetý úshin salanyń materialdyq-tehnikalyq bazasyn nyǵaitý basty nazarymyzda. Mádeniet salasyn damyta otyryp jáne sizderdei ziialy qaýym, óner adamdaryn qurmettei otyryp, biz jastardy tárbieleimiz, – dedi A. Batalov.
Quttyqtaý sózden keiin oblys basshysy marapattaý rásimine kóshti. «Úzdik Mádeniet úii», «Úzdik kitaphana», «Úzdik mýzei», «Úzdik óner ujymy», «Úzdik «Halyqtyq», «Úlgili» ujym», «Úzdik teatr ártisi», «Úzdik qolóner sheberi», «Úzdik oblystyq mádeniet mekemesi» nominatsiialary boiynsha júldegerler marapattaldy. Atap aitqanda Qapshaǵai qalalyq kitaphanasy, B. Rimova atyndaǵy oblystyq drama teatrynyń ártisi Sandýǵash Muńaitbasova, Qaratal aýdanyndaǵy «Altynai» úlgili bi ansambli, Tekeli qalalyq mádeniet úii jáne basqa da ujymdar úzdikter qatarynan kórinip, arnaiy diplomdar men 100 myń teńgeniń sertifikatyna ie boldy. Taldyqorǵandaǵy Kórkemsýret galereiasy úzdik oblystyq mádeniet mekemesi atanyp, «Lada Largus» avtokóliginiń kiltin aldy.
Sonymen qatar 18 azamat «Úzdik mádeniet qyzmetkeri» atansa, birqatar qyzmetkerler «Mádeniet salasynyń úzdigi» tósbelgisimen, túrli dárejedegi qurmet gramotalarymen, alǵys hattarmen marapattaldy. Jalpy osy kúni 50-den astam mádeniet qyzmetkerlerine marapattar usynyldy.
Sala mamandary atynan QR Sýretshiler odaǵynyń Almaty oblystyq filialynyń basshysy, sala ardageri Júnishan Ermuhan, B. Rimova atyndaǵy oblystyq drama teatrynyń ártisi Aigerim Bekbolatova jáne basqa da azamattar sóz alyp, áriptesterine quttyqtaý tilekterin jetkizdi.
Saltanatty shara «Óner – óshpes mura» atty kontserttik baǵdarlamamen jalǵasty.
Kásibi mereke Mádeniet úiindiń foiesinde qoiylǵan mádeniet salasynyń jetistikteri týraly kórmeni tamashalaýmen bastalǵanyn atap ótý kerek.
Jalpy óńirdiń mádeniet salasynyń biýdjeti 2015-16 jyldarǵa qaraǵanda 40 paiyzǵa ósip, biylǵy jyly 7,6 mlrd teńgeni qurap otyr. Mádeni nysandardyń kúrdeli jóndeý jumystary men jobalyq smetalyq qujattaryn jasatýǵa barlyǵy 870,2 mln. teńge bólindi. Drama teatrynyń jańa ǵimaratynyń qurylysyna 2 mlrd. 600 mln. teńge qarjy qarastyrylyp, jumystar júrip jatyr.
