A. Balaeva: Prezident aldymyzǵa jańa qoǵamdyq etikany qalyptastyrý, «Ádiletti Qazaqstan» qurý mindetin qoiyp otyr
Bul týraly Mádeniet jáne aqparat ministri Aida Balaeva Ortalyq kommýnikatsiialar qyzmetiniń alańynda ótken brifing barysynda baiandady.
- Birinshi baǵyt boiynsha Memleket basshysynyń tapsyrmasy aiasynda «Qoǵamdyq baqylaý týraly» jańa Zań jáne oǵan ilespe Zań qabyldandy. Olar qoǵammen qatar talqylanyp, saraptalyp daiyndaldy.
Zańdarda sýbektiler men obektilerdiń bazalyq qaǵidalary men qaǵidattary, quqyqtary men mindetteri, qoǵamdyq baqylaý nysandary aiqyndalǵan. Alǵash ret zańnamalyq deńgeide petitsiialar institýty engizildi. Oǵan qosa 21 jeltoqsanda azamattardyń birlestikter qurýdaǵy erkindik quqyqtaryn keńeitýge baǵyttalǵan «Qoǵamdyq birlestikter týraly» Zańǵa ózgerister engizý týraly QR Zańyna qol qoiyldy, - dedi ministr.
Qoǵamdyq keńesterdiń qyzmetin qaita formattaý boiynsha qarqyndy jumys júrgizildi. Olardyń quramyndaǵy azamattyq sektordyń ókildigi 23,5%-ǵa ósip, 86%-dy qurap otyr. Keńesterdegi jastardyń úlesi 10%-ǵa deiin ósti.
Ministrlik volonterler qozǵalysyn belsendi damytýda. 2020 jyldan bastap respýblikalyq jáne óńirlik front-ofister jumys isteidi. Aýqymdy jumys nátijesinde volonterler uiymdarynyń sany 3 esege, belsendi volonterler sany – 5 ese artty.
Úkimettik emes uiymdarmen ózara is-qimyldyń ártúrli dialogtyq formattary qamtamasyz etilýde.
«Osyndai alańdardyń biri – 2023 jyldan beri júieli negizde jumys istep kele jatqan Qazaqstannyń Azamattyq forýmynyń platformasy. Mańyzdy dialog alańy – Ulttyq quryltai.
Quryltaidyń ekinshi otyrysynda Memleket basshysy jańa qoǵamdyq etikany qalyptastyrý, «Ádiletti Qazaqstan» qurý, sondai-aq «Adal azamat» qalyptastyrý jóninde naqty tapsyrmalar berdi. Osy mindetterdi sheshý úshin biz jumys istep jatyrmyz», - dep túiindedi ministr
