ا. بالاەۆا: پرەزيدەنت الدىمىزعا جاڭا قوعامدىق ەتيكانى قالىپتاستىرۋ, «ەدٸلەتتٸ قازاقستان» قۇرۋ مٸندەتٸن قويىپ وتىر
بۇل تۋرالى مەدەنيەت جەنە اقپارات مينيسترٸ ايدا بالاەۆا ورتالىق كوممۋنيكاتسييالار قىزمەتٸنٸڭ الاڭىندا ٶتكەن بريفينگ بارىسىندا باياندادى.
- بٸرٸنشٸ باعىت بويىنشا مەملەكەت باسشىسىنىڭ تاپسىرماسى اياسىندا «قوعامدىق باقىلاۋ تۋرالى» جاڭا زاڭ جەنە وعان ٸلەسپە زاڭ قابىلداندى. ولار قوعاممەن قاتار تالقىلانىپ, ساراپتالىپ دايىندالدى.
زاڭداردا سۋبەكتٸلەر مەن وبەكتٸلەردٸڭ بازالىق قاعيدالارى مەن قاعيداتتارى, قۇقىقتارى مەن مٸندەتتەرٸ, قوعامدىق باقىلاۋ نىساندارى ايقىندالعان. العاش رەت زاڭنامالىق دەڭگەيدە پەتيتسييالار ينستيتۋتى ەنگٸزٸلدٸ. وعان قوسا 21 جەلتوقساندا ازاماتتاردىڭ بٸرلەستٸكتەر قۇرۋداعى ەركٸندٸك قۇقىقتارىن كەڭەيتۋگە باعىتتالعان «قوعامدىق بٸرلەستٸكتەر تۋرالى» زاڭعا ٶزگەرٸستەر ەنگٸزۋ تۋرالى قر زاڭىنا قول قويىلدى, - دەدٸ مينيستر.
قوعامدىق كەڭەستەردٸڭ قىزمەتٸن قايتا فورماتتاۋ بويىنشا قارقىندى جۇمىس جٷرگٸزٸلدٸ. ولاردىڭ قۇرامىنداعى ازاماتتىق سەكتوردىڭ ٶكٸلدٸگٸ 23,5%-عا ٶسٸپ, 86%-دى قۇراپ وتىر. كەڭەستەردەگٸ جاستاردىڭ ٷلەسٸ 10%-عا دەيٸن ٶستٸ.
مينيسترلٸك ۆولونتەرلەر قوزعالىسىن بەلسەندٸ دامىتۋدا. 2020 جىلدان باستاپ رەسپۋبليكالىق جەنە ٶڭٸرلٸك فرونت-وفيستەر جۇمىس ٸستەيدٸ. اۋقىمدى جۇمىس نەتيجەسٸندە ۆولونتەرلەر ۇيىمدارىنىڭ سانى 3 ەسەگە, بەلسەندٸ ۆولونتەرلەر سانى – 5 ەسە ارتتى.
ٷكٸمەتتٸك ەمەس ۇيىمدارمەن ٶزارا ٸس-قيمىلدىڭ ەرتٷرلٸ ديالوگتىق فورماتتارى قامتاماسىز ەتٸلۋدە.
«وسىنداي الاڭداردىڭ بٸرٸ – 2023 جىلدان بەرٸ جٷيەلٸ نەگٸزدە جۇمىس ٸستەپ كەلە جاتقان قازاقستاننىڭ ازاماتتىق فورۋمىنىڭ پلاتفورماسى. ماڭىزدى ديالوگ الاڭى – ۇلتتىق قۇرىلتاي.
قۇرىلتايدىڭ ەكٸنشٸ وتىرىسىندا مەملەكەت باسشىسى جاڭا قوعامدىق ەتيكانى قالىپتاستىرۋ, «ەدٸلەتتٸ قازاقستان» قۇرۋ, سونداي-اق «ادال ازامات» قالىپتاستىرۋ جٶنٸندە ناقتى تاپسىرمالار بەردٸ. وسى مٸندەتتەردٸ شەشۋ ٷشٸن بٸز جۇمىس ٸستەپ جاتىرمىز», - دەپ تٷيٸندەدٸ مينيستر
