Ánshi, Qazaqstannyń halyq ártisi Bıbigúl Tólegenova eks-Prezıdent Nursultan Nazarbaevtan qandaı baǵaly syılyq alǵanyn aıtty, - dep habarlaıdy Dalanews.kz.

94 jastaǵy ánshi "Tańsholpan" baǵdarlamasynda 2019 jyly Nazarbaevtyń qabyldaýynda bolǵanyn áńgimeledi. Bul kezde Halyq ártisi 90 jyldyq mereıtoıyn atap ótken.

"Baǵaly syılyq bolǵany - mynaý (saǵatyn kórsetip). 90 jyldyǵymda, 2019 Nursultan Ábishulynyń qabyldaýyna bardym. Ol kezde Prezıdent emes. Biraq áli Aq úıde otyrdy. Áńgimelesip, menen "Bıbigúl Ahmetqyzy, buıymtaıyńyz bar ma?" dep surady. "Joq, buıymtaıym joq. Kóp jyl jumys istestik. Prezıdent emessiz. Sálem bereıin dep keldim" dedi. Sonda ol kisi rıza boldy. "Maǵan adam ótinishpen keletin" dedi. "Maǵan eshteńe kerek joq. Qudaıǵa shúkir, úıim bar, kıimim bar, tamaǵym toq" dedim. Sodan keıin maǵan saǵatty syılady jáne óziniń kitaby bar eken. Eksklúzıv kitap. Sol kitabyn berdi", - dedi Bıbigúl Tólegenova.