QazUÝ – №1 ýnıversıtet! On jyldan astam ýaqyt boıy akademıalyq reıtıń jáne halyqaralyq observatorıa (IREG) sarapshylary maquldaǵan ulttyq reıtıńte kóshbasshy orynǵa ıe boldy. Ál-Farabı atyndaǵy QazUÝ JOO-nyń, sondaı-aq sarapshylar men jumys berýshilerdiń ǵylymı-bilim berý qyzmetiniń keń spektrin kórsetetin barlyq parametrler boıynsha joǵary baǵa aldy. Ǵylym men bilimdi ushtastyrǵan oqý ordasy qazirgi tańda álem boıynsha aldyńǵy qatarly ýnıversıtetter tiziminde.Kúnnen-kúnge qaryshtap damyǵan bilim salasynan qara shańyraq kende emes,oqytýshylar árdaıym izdenis ústinde.
Ál-Farabı atyndaǵy QazUÝ – elimizdegi tarıhy tereń, erekshe mártebege ıe joǵary oqý orny jáne QS WUR boıynsha álemniń eń úzdik 200 ýnıversıtetiniń tobyna kiredi. QS WUR jahandyq reıtıńiniń qorytyndysy boıynsha Ál-Farabı atyndaǵy Qazaq ulttyq ýnıversıteti 230-orynǵa ıe boldy. Halyqaralyq deńgeıdegi reıtıńte joǵarǵy kórsetkish úlken jetistik. Ýnıversıtettiń damýyna súbeli úles qosyp, eńbek etken oqytýshy-professorlar quramy, ǵalymdar ekenin aıtyp ótkim keledi.Bul-bizdiń ortaq jeńisimiz dep esepteımin.Álemniń úzdik ýnıversıtetterimen bir qatarǵa ornalasqan Ál-Farabı atyndaǵy QazUÝ Qazaqstannyń joǵary oqý oryndary arasynda ǵana emes, Ortalyq Azıa men TMD elderinde óziniń kóshbasshylyq pozısıasyn dáleldedi.Sonymen qatar, QazUÝ – QS Stars Rating System halyqaralyq reıtıńinde «Bes juldyz» marapatyn alǵan Ortalyq Azıadaǵy alǵashqy jáne jalǵyz joǵary oqý orny. Sondaı-aq QS by Subject pándik reıtıńinde ýnıversıtet tórt pán salasy men 16 daıyndyq baǵyty boıynsha úzdikter qataryna kiredi. Sondaı-aq, QazUÝ qalashyǵynyń taǵy bir ereksheligi — Ó.A. Joldasbekov atyndaǵy Stýdentter saraıy. Munda Qazaq ulttyq aspaptar orkestri, kórkemóner úıirmeleri, «Biz» stýdentter teatry bar.
Ýnıversıtette laıyqty dárejede bilim alýǵa tyrysatyn ár stýdent úshin keremet múmkindikter jasalǵan. Ýnıversıtet Qazaqstandaǵy eń úlken jáne eń baı kitaphanalardyń birine ıe. Ábý Nasyr Ál-Farabı mýzeıikitaphananyń árbir qonaǵy úshin ashyq. Qazaq ulttyq ýnıversıteti óziniń jas ǵalymdaryna jaıly jataqhanalar usynatyn stýdentter qalashyǵy bolyp sanalady. Ýnıversıtet 5000-nan astam stýdent turatyn 14 úlken jataqhanany usynady.Qazaqstandaǵy eń úzdik degen oqytýshylardan zamanaýı jáne sapaly bilim alǵysy keletin, bolashaqta suranysqa ıe mamandyq ıegerleri bolǵysy keletin talapty jastardy qara shańyraq árdaıym kútedi.
Bısenova M.Q
ál-Farabı atyndaǵy Qazaq ulttyq ýnıversıtetiniń zań fakúlteti qylmystyq quqyq,qylmystyq is júrgizý jáne krımınalısıka kafedrasynyń oqytýshysy
Toqan S.M
ál-Farabı atyndaǵy Qazaq ulttyq ýnıversıtetiniń Zań fakúltetiniń magıstranty
