قازۇۋ – №1 ۋنيۆەرسيتەت! ون جىلدان استام ۋاقىت بويى اكادەميالىق رەيتينگ جانە حالىقارالىق وبسەرۆاتوريا (IREG) ساراپشىلارى ماقۇلداعان ۇلتتىق رەيتينگتە كوشباسشى ورىنعا يە بولدى. ءال-فارابي اتىنداعى قازۇۋ جوو-نىڭ، سونداي-اق ساراپشىلار مەن جۇمىس بەرۋشىلەردىڭ ءعىلىمي-بىلىم بەرۋ قىزمەتىنىڭ كەڭ سپەكترىن كورسەتەتىن بارلىق پارامەترلەر بويىنشا جوعارى باعا الدى. عىلىم مەن ءبىلىمدى ۇشتاستىرعان وقۋ ورداسى قازىرگى تاڭدا الەم بويىنشا الدىڭعى قاتارلى ۋنيۆەرسيتەتتەر تىزىمىندە.كۇننەن-كۇنگە قارىشتاپ دامىعان ءبىلىم سالاسىنان قارا شاڭىراق كەندە ەمەس،وقىتۋشىلار ءاردايىم ىزدەنىس ۇستىندە.
ءال-فارابي اتىنداعى قازۇۋ – ەلىمىزدەگى تاريحى تەرەڭ، ەرەكشە مارتەبەگە يە جوعارى وقۋ ورنى جانە QS WUR بويىنشا الەمنىڭ ەڭ ۇزدىك 200 ۋنيۆەرسيتەتىنىڭ توبىنا كىرەدى. QS WUR جاھاندىق رەيتينگىنىڭ قورىتىندىسى بويىنشا ءال-فارابي اتىنداعى قازاق ۇلتتىق ۋنيۆەرسيتەتى 230-ورىنعا يە بولدى. حالىقارالىق دەڭگەيدەگى رەيتينگتە جوعارعى كورسەتكىش ۇلكەن جەتىستىك. ۋنيۆەرسيتەتتىڭ دامۋىنا سۇبەلى ۇلەس قوسىپ، ەڭبەك ەتكەن وقىتۋشى-پروفەسسورلار قۇرامى، عالىمدار ەكەنىن ايتىپ وتكىم كەلەدى.ءبۇل-بىزدىڭ ورتاق جەڭىسىمىز دەپ ەسەپتەيمىن.الەمنىڭ ۇزدىك ۋنيۆەرسيتەتتەرىمەن ءبىر قاتارعا ورنالاسقان ءال-فارابي اتىنداعى قازۇۋ قازاقستاننىڭ جوعارى وقۋ ورىندارى اراسىندا عانا ەمەس، ورتالىق ازيا مەن تمد ەلدەرىندە ءوزىنىڭ كوشباسشىلىق پوزيسياسىن دالەلدەدى.سونىمەن قاتار، قازۇۋ – QS Stars Rating System حالىقارالىق رەيتينگىندە «بەس جۇلدىز» ماراپاتىن العان ورتالىق ازياداعى العاشقى جانە جالعىز جوعارى وقۋ ورنى. سونداي-اق QS by Subject پاندىك رەيتينگىندە ۋنيۆەرسيتەت ءتورت ءپان سالاسى مەن 16 دايىندىق باعىتى بويىنشا ۇزدىكتەر قاتارىنا كىرەدى. سونداي-اق، قازۇۋ قالاشىعىنىڭ تاعى ءبىر ەرەكشەلىگى — ءو.ا. جولداسبەكوۆ اتىنداعى ستۋدەنتتەر سارايى. مۇندا قازاق ۇلتتىق اسپاپتار وركەسترى، كوركەمونەر ۇيىرمەلەرى، «ءبىز» ستۋدەنتتەر تەاترى بار.
ۋنيۆەرسيتەتتە لايىقتى دارەجەدە ءبىلىم الۋعا تىرىساتىن ءار ستۋدەنت ءۇشىن كەرەمەت مۇمكىندىكتەر جاسالعان. ۋنيۆەرسيتەت قازاقستانداعى ەڭ ۇلكەن جانە ەڭ باي كىتاپحانالاردىڭ بىرىنە يە. ءابۋ ناسىر ءال-فارابي مۋزەيىكىتاپحانانىڭ ءاربىر قوناعى ءۇشىن اشىق. قازاق ۇلتتىق ۋنيۆەرسيتەتى ءوزىنىڭ جاس عالىمدارىنا جايلى جاتاقحانالار ۇسىناتىن ستۋدەنتتەر قالاشىعى بولىپ سانالادى. ۋنيۆەرسيتەت 5000-نان استام ستۋدەنت تۇراتىن 14 ۇلكەن جاتاقحانانى ۇسىنادى.قازاقستانداعى ەڭ ۇزدىك دەگەن وقىتۋشىلاردان زاماناۋي جانە ساپالى ءبىلىم العىسى كەلەتىن، بولاشاقتا سۇرانىسقا يە ماماندىق يەگەرلەرى بولعىسى كەلەتىن تالاپتى جاستاردى قارا شاڭىراق ءاردايىم كۇتەدى.
بيسەنوۆا م.ق
ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى قىلمىستىق قۇقىق،قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىسى
توقان س.م
ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىنىڭ ماگيسترانتى
