9 aiynda 743 azamattyń aryz-shaǵymy qaralǵan
Anyqtalǵan buzýshylyqtardyń ishinde 168-si joiylyp, zańǵa sáikestendirildi. Bul týraly brifingte Túrkistan oblysy eńbek inspektsiiasy basqarmasynyń basshysy Berik Ibadýllaev málimdedi.
Sondai-aq, anyqtalǵan zań buzýshylyqtardyń negizinde 110 nusqama berilip, eńbek zańnamasynyń buzylýy boiynsha 3 026 387 teńge kóleminde aiyppul salynǵan.
– 2021 jyldyń 9 aiynda Túrkistan oblysynda 9 eńbek janjaly tirkelgen. Onyń 3-i jalaqyny kóterý, 3-i eńbek aqylaryn ýaqytysynda tólemeý, 3-i tehnikany jalǵa berý jáne qyzmet kórsetý boiynsha. Júrgizilgen jumys qorytyndysy boiynsha barlyq eńbek janjaly sheshimin tapty. 2021 jyldyń basynan oblys boiynsha 14 mekemede jalaqy qaryzynyń oryn alǵany anyqtaldy. Anyqtalǵan buzýshylyqtar boiynsha 1,6 mln teńgege ákimshilik aiyppuldar salynyp, oryndalýy mindetti nusqamalar berildi. Sondai-aq, oblys kásiporyndarynda 2021 jyldyń 9 aiynda 52 jazataiym oqiǵa oryn alǵan, – dedi Berik Serikbaiuly.
