انىقتالعان بۇزۋشىلىقتاردىڭ ىشىندە 168ء-سى جويىلىپ، زاڭعا سايكەستەندىرىلدى. بۇل تۋرالى بريفينگتە تۇركىستان وبلىسى ەڭبەك ينسپەكسياسى باسقارماسىنىڭ باسشىسى بەرىك يبادۋللايەۆ مالىمدەدى.
سونداي-اق، انىقتالعان زاڭ بۇزۋشىلىقتاردىڭ نەگىزىندە 110 نۇسقاما بەرىلىپ، ەڭبەك زاڭناماسىنىڭ بۇزىلۋى بويىنشا 3 026 387 تەڭگە كولەمىندە ايىپپۇل سالىنعان.
– 2021 جىلدىڭ 9 ايىندا تۇركىستان وبلىسىندا 9 ەڭبەك جانجالى تىركەلگەن. ونىڭ 3ء-ى جالاقىنى كوتەرۋ، 3ء-ى ەڭبەك اقىلارىن ۋاقىتىسىندا تولەمەۋ، 3ء-ى تەحنيكانى جالعا بەرۋ جانە قىزمەت كورسەتۋ بويىنشا. جۇرگىزىلگەن جۇمىس قورىتىندىسى بويىنشا بارلىق ەڭبەك جانجالى شەشىمىن تاپتى. 2021 جىلدىڭ باسىنان وبلىس بويىنشا 14 مەكەمەدە جالاقى قارىزىنىڭ ورىن العانى انىقتالدى. انىقتالعان بۇزۋشىلىقتار بويىنشا 1،6 ملن تەڭگەگە اكىمشىلىك ايىپپۇلدار سالىنىپ، ورىندالۋى مىندەتتى نۇسقامالار بەرىلدى. سونداي-اق، وبلىس كاسىپورىندارىندا 2021 جىلدىڭ 9 ايىندا 52 جازاتايىم وقيعا ورىن العان، – دەدى بەرىك سەرىكباي ۇلى.
