Qazaqstanda shamadan tys júk tiegen aýyr kólikterdiń jol infraqurylymyna keltiretin ziiany kúsheiip otyr, dep habarlaidy dalanews.kz.
«QazAvtoJol» málimetinshe, 2026 jyldyń alǵashqy segiz aiynda avtomattandyrylǵan ólsheý stantsiialary kólikterdiń ruqsat etilgen salmaq normasyn buzýy múmkin degen 870 myńǵa jýyq jaǵdaidy tirkegen.
Olardyń ishinde 139 myń kóliktiń salmaǵy 50 tonnadan, 12 myńynyń salmaǵy 100 tonnadan asqan. Al shamamen 1 myń júk kóliginiń salmaǵy 200 tonnadan joǵary bolǵan.
Avtomobil joldary belgili bir júktemege eseptelip salynady. Júieli túrde shamadan tys júk tasymaldaý jańa tóselgen asfalttyń ózin tez búldirip, jolda tereń oiyqtardyń, qaýipti yǵysýlar men deformatsiialardyń paida bolýyna ákeledi. Sonyń saldarynan memleket milliardtaǵan teńge jumsap salǵan jáne qaita jańǵyrtqan joldar josparlanǵan jóndeý merzimine jetpei jaramsyz bolyp qalýy múmkin.
«QazAvtoJol» málimetinshe, keibir tasymaldaýshylar aiyppuldan jaltarý úshin baqylaý júielerin ainalyp ótýge tyrysady. Júk kólikteriniń júrgizýshileri avtomatty ólsheý beketterin jol jiegimen jáne tehnikalyq ótkelder arqyly ainalyp ótedi. Kei ýchaskelerde zań buzýshylar qorǵanys qorshaýlaryn óz betinshe alyp tastaǵan.
Jyl basynan beri avtomattandyrylǵan ólsheý júieleriniń úsh nysanyn órteý faktisi tirkelgen. Bul áreketterdiń mán-jaiyn quqyq qorǵaý organdary anyqtap jatyr.
Ulttyq kompaniia ókilderi baqylaýdyń kúsheiýi júk tasymaldaýshylarǵa qarsy baǵyttalmaǵanyn atap ótti. Júk kóligi ekonomika, qurylys jáne saýda úshin mańyzdy bolǵanymen, bir reiste kóbirek júk tasymaldaý arqyly shyǵyndy azaitýǵa tyrysý ortaq jol infraqurylymynyń buzylýyna alyp keledi.
