قازاقستاندا شامادان تىس جٷك تيەگەن اۋىر كٶلٸكتەردٸڭ جول ينفراقۇرىلىمىنا كەلتٸرەتٸن زييانى كٷشەيٸپ وتىر, دەپ حابارلايدى dalanews.kz.
«قازاۆتوجول» مەلٸمەتٸنشە, 2026 جىلدىڭ العاشقى سەگٸز ايىندا اۆتوماتتاندىرىلعان ٶلشەۋ ستانتسييالارى كٶلٸكتەردٸڭ رۇقسات ەتٸلگەن سالماق نورماسىن بۇزۋى مٷمكٸن دەگەن 870 مىڭعا جۋىق جاعدايدى تٸركەگەن.
ولاردىڭ ٸشٸندە 139 مىڭ كٶلٸكتٸڭ سالماعى 50 توننادان, 12 مىڭىنىڭ سالماعى 100 توننادان اسقان. ال شامامەن 1 مىڭ جٷك كٶلٸگٸنٸڭ سالماعى 200 توننادان جوعارى بولعان.
اۆتوموبيل جولدارى بەلگٸلٸ بٸر جٷكتەمەگە ەسەپتەلٸپ سالىنادى. جٷيەلٸ تٷردە شامادان تىس جٷك تاسىمالداۋ جاڭا تٶسەلگەن اسفالتتىڭ ٶزٸن تەز بٷلدٸرٸپ, جولدا تەرەڭ ويىقتاردىڭ, قاۋٸپتٸ ىعىسۋلار مەن دەفورماتسييالاردىڭ پايدا بولۋىنا ەكەلەدٸ. سونىڭ سالدارىنان مەملەكەت ميللياردتاعان تەڭگە جۇمساپ سالعان جەنە قايتا جاڭعىرتقان جولدار جوسپارلانعان جٶندەۋ مەرزٸمٸنە جەتپەي جارامسىز بولىپ قالۋى مٷمكٸن.
«قازاۆتوجول» مەلٸمەتٸنشە, كەيبٸر تاسىمالداۋشىلار ايىپپۇلدان جالتارۋ ٷشٸن باقىلاۋ جٷيەلەرٸن اينالىپ ٶتۋگە تىرىسادى. جٷك كٶلٸكتەرٸنٸڭ جٷرگٸزۋشٸلەرٸ اۆتوماتتى ٶلشەۋ بەكەتتەرٸن جول جيەگٸمەن جەنە تەحنيكالىق ٶتكەلدەر ارقىلى اينالىپ ٶتەدٸ. كەي ۋچاسكەلەردە زاڭ بۇزۋشىلار قورعانىس قورشاۋلارىن ٶز بەتٸنشە الىپ تاستاعان.
جىل باسىنان بەرٸ اۆتوماتتاندىرىلعان ٶلشەۋ جٷيەلەرٸنٸڭ ٷش نىسانىن ٶرتەۋ فاكتٸسٸ تٸركەلگەن. بۇل ەرەكەتتەردٸڭ مەن-جايىن قۇقىق قورعاۋ ورگاندارى انىقتاپ جاتىر.
ۇلتتىق كومپانييا ٶكٸلدەرٸ باقىلاۋدىڭ كٷشەيۋٸ جٷك تاسىمالداۋشىلارعا قارسى باعىتتالماعانىن اتاپ ٶتتٸ. جٷك كٶلٸگٸ ەكونوميكا, قۇرىلىس جەنە ساۋدا ٷشٸن ماڭىزدى بولعانىمەن, بٸر رەيستە كٶبٸرەك جٷك تاسىمالداۋ ارقىلى شىعىندى ازايتۋعا تىرىسۋ ورتاق جول ينفراقۇرىلىمىنىڭ بۇزىلۋىنا الىپ كەلەدٸ.
