Jetisý fýtbol klýbynyń direktory biýdjet qarajatyn jymqyrý boiynsha kúdikke ilindi. Antikor mán-jaidy jariia etti, - dep habarlaidy Dalanews.kz.
Jetisý oblysynyń Sybailas jemqorlyqqa qarsy qyzmeti "Jetisý fýtbol klýby" KMQK direktoryn áshkereledi.
Ol 2022 – 2023 jyldary oqý-jattyǵý jiyndaryna bólingen 85,4 million teńge somasyndaǵy biýdjet qarajatyn senimdi tulǵalardyń kartochkalyq shottaryna aýdarý arqyly jymqyrǵan.
Sottyń sanktsiiasymen kúdikti qamaýǵa alyndy.
Qylmystyq árekettiń basqa epizodtary tekserilýde.
Tergeý jalǵasyp jatyr.
Antikor Qylmystyq-protsestik kodeksiniń 201-babyna sáikes ózge aqparat jariialanbaitynyn habarlady.
