Astanada Ishki ister organdary jyl sońyna deiin 10 dron apparatyn jalǵa alýǵa 83,5 mln teńge bólgen, dep habarlaidy Dala news.
Bir dronǵa shaqqanda shamamen 8,35 mln teńge shyǵady. Bul soma qoǵamda baǵanyń negizdiligine qatysty suraq týǵyzdy.
Satyp alý qujattaryna sáikes, áńgime tehnikany bir jylǵa jalǵa alý týraly bolyp otyr. Ashyq naryqtaǵy usynystardy salystyrǵanda, sipattamalary uqsas DJI Matrice 4T modeliniń bir danasy Qazaqstanda shamamen 3,25 mln teńge turady. Iaǵni satyp alý quny jalǵa alý baǵasynan aitarlyqtai tómen.
Árine, jalǵa alý qyzmetine tek dronnyń ózi emes, operator qyzmeti, tehnikalyq qyzmet kórsetý, saqtandyrý, baǵdarlamalyq qamtý jáne ózge de servistik shyǵyndar kirýi múmkin. Alaida soǵan qaramastan, bir birlikke bólingen qarjy satyp alý qunynan eki eseden astam joǵary bolýy sarapshylar arasynda kúmán týdyrady.
Bir qyzyǵy, alǵashqy jariialanǵan konkýrsqa eshbir ótinim túspegen. Onyń sebebi belgisiz.
Satyp alý talaptarynyń ózi formaldy túrde zań talaptaryna sai kórinedi. Degenmen baǵa máselesi ashyq talqylaýdy qajet etedi.
Eger dron tehnikasyn, servistik qyzmet naryǵyn nemese memlekettik satyp alý salasyn jetik biletin mamandar bolsa, redaktsiia pikir bildirýge daiyn.
