استانادا ٸشكٸ ٸستەر ورگاندارى جىل سوڭىنا دەيٸن 10 درون اپپاراتىن جالعا الۋعا 83,5 ملن تەڭگە بٶلگەن, دەپ حابارلايدى Dala news.
بٸر درونعا شاققاندا شامامەن 8,35 ملن تەڭگە شىعادى. بۇل سوما قوعامدا باعانىڭ نەگٸزدٸلٸگٸنە قاتىستى سۇراق تۋعىزدى.
ساتىپ الۋ قۇجاتتارىنا سەيكەس, ەڭگٸمە تەحنيكانى بٸر جىلعا جالعا الۋ تۋرالى بولىپ وتىر. اشىق نارىقتاعى ۇسىنىستاردى سالىستىرعاندا, سيپاتتامالارى ۇقساس DJI Matrice 4T مودەلٸنٸڭ بٸر داناسى قازاقستاندا شامامەن 3,25 ملن تەڭگە تۇرادى. ياعني ساتىپ الۋ قۇنى جالعا الۋ باعاسىنان ايتارلىقتاي تٶمەن.
ەرينە, جالعا الۋ قىزمەتٸنە تەك دروننىڭ ٶزٸ ەمەس, وپەراتور قىزمەتٸ, تەحنيكالىق قىزمەت كٶرسەتۋ, ساقتاندىرۋ, باعدارلامالىق قامتۋ جەنە ٶزگە دە سەرۆيستٸك شىعىندار كٸرۋٸ مٷمكٸن. الايدا سوعان قاراماستان, بٸر بٸرلٸككە بٶلٸنگەن قارجى ساتىپ الۋ قۇنىنان ەكٸ ەسەدەن استام جوعارى بولۋى ساراپشىلار اراسىندا كٷمەن تۋدىرادى.
بٸر قىزىعى, العاشقى جارييالانعان كونكۋرسقا ەشبٸر ٶتٸنٸم تٷسپەگەن. ونىڭ سەبەبٸ بەلگٸسٸز.
ساتىپ الۋ تالاپتارىنىڭ ٶزٸ فورمالدى تٷردە زاڭ تالاپتارىنا ساي كٶرٸنەدٸ. دەگەنمەن باعا مەسەلەسٸ اشىق تالقىلاۋدى قاجەت ەتەدٸ.
ەگەر درون تەحنيكاسىن, سەرۆيستٸك قىزمەت نارىعىن نەمەسە مەملەكەتتٸك ساتىپ الۋ سالاسىن جەتٸك بٸلەتٸن ماماندار بولسا, رەداكتسييا پٸكٸر بٸلدٸرۋگە دايىن.
