Karantinge qaramastan, tyǵylyp ótkizgen toilarǵa baryp, jaman dertke shaldyqqandar qanshama?! Arasynda jurtqa aqyl aityp júrgen belgili azamattar da bar.
Qazekem ózi aýyrmai, nemese jaqyny mert bolmai, bata men toiǵa barýdy toqtatar túri kórinbeidi.
Sondyqtan da karantin tártibin buzǵan jeke adamdarǵa aiyppul mólsherin 83 myń teńgege deiin kóbeitýge Úkimet amalsyzdan barǵaly otyr. Elde qatań tártip ornatýdyń qatal da bolsa qajetti bir joly osy bolar, shamasy.
"Tártipke baǵynǵan qul bolmaidy" dep batyr aǵamyz Baýyrjan Momyshuly aitqandai, tártipke baǵynbasaq, qul bolmaq túgil, ult retinde quryp ketýimiz de múmkin.
Qytaidyń bul indetti qatal tártibimen jeńgeninen sabaq alǵanymyz jón.
Káribai Musyrmannyń áleýmettik jelidegi jazbasy
