Shymkentte asa iri kólemdegi alaiaqtyq isi boiynsha halyqaralyq izdeýde bolǵan áiel ustaldy, dep habarlaidy Dalanews.kz.
Tergeý dereginshe, kúdikti Shymkent qalasynyń turǵyndaryna qatysty birneshe alaiaqtyq epizodqa qatysy bar. Keltirilgen jalpy shyǵyn kólemi 80 mln teńgeden asady.
Politsiia málimetinshe, epizodtardyń birinde kúdikti zergerlik buiymdar satýmen ainalysatyn kásipker áieldiń senimine kirip, altyn áshekeilerdi iemdenip ketken. Alaida alǵan mindettemelerin oryndamaǵan.
Sondai-aq áiel azamattarǵa shetelge arzan týristik joldamalar usynǵan. Aldyn ala tólem alǵanymen, saparlar uiymdastyrylmaǵan, al qarajat jábirlenýshilerge qaitarylmaǵan.
Jedel izdestirý sharalary nátijesinde kúdikti ustalyp, ýaqytsha ustaý izoliatoryna qamaldy. Qazirgi ýaqytta is boiynsha tergeý amaldary jalǵasyp jatyr.
