London qalasynan saparyn bastaǵan Kris Ramsi Astanaǵa «Nissan Leaf» elektromobilimen 36 kún júrip jetken. London-Mońǵoliia rallii Eýropa elderi, Ortalyq Aziia, Mońǵoliia arqyly ótip, reseilik Ýlan-Ýde qalasynda aiaqtalady. 21 tamyzda Ramsi óziniń elektromobilimen Qazaqstan elordasyna jetti. Ol 25 tamyzda Semei arqyly jolyn jalǵastyrmaq. «Atalǵan jarysqa biyl 2500 kólik qatysýda. Negizi London-Mońǵoliia jarysy biyl 14-ret ótkizilip jatyr. Qazaqstandaǵy saiahatymyzdy Aqtaýdan bastap, Aqtóbege bardyq. Endi, mine, Astanaǵa da jettik. Kóligimiz bir qýattanǵannan keiin orta eseppen 160-260 shaqyrymdai joldy eńseredi. Qazaqstannyń «Qazposhta» jáne «QazMunaiGaz» sekildi kompaniialary kómek kórsetip, óńirlerdegi mekemelerinde kóligimizdi qýattandyrýǵa ruqsat berdi. Sol úshin aitar alǵysymyz sheksiz. Sonymen qatar, men 2019 jyly ótetin «80 DAY RACE» dúniejúzilik jarysyna qatysamyn», – dedi Kris Ramsi.
«Biz 21 tamyzda Astana qalasynyń ákimi Áset Isekeshevpen kezdesip, biraz jaiǵa qanyqtyq. Qazaqstan – damýy tez ári biik maqsatty alǵa qoiǵan el. EKSPO-2017 «Bolashaq energiiasy» kórmesinen biz Qazaqstannyń jańashyldyqqa ári innovatsiiaǵa basa mán beretin el ekenin baiqaimyz.. «80 Day Race» jarysy da bolashaq tehnologiialardy keńinen taratýdy kózdeidi. Astana qalasynyń jarysty qabyldaýǵa kelisim bergeni úshin qýanyshtymyn. Mundai jańa qalada árqashan igi bastamalar kóp ótýge tiis», – dedi «80 Day Race» jarysynyń negizin salýshy Frank Manders.
Dúniejúzilik jarys aiasynda 40-qa jýyq top 40 000 shaqyrymǵa sozylǵan joldy júrip ótip, 80 kún ishinde Parijge keri qaitady. Olar kúnine 500 shaqyrymnan asa jol júrip otyrady. Bir ereksheligi: shabandozdar tek jańǵyrmaly qorlardy tutynatyn kólikpen ǵana jarysqa túse alady. Spikerlerdiń aitýynsha, «80 Day Race» syndy aýqymdy dodany ótkizý ideiasy Niderlandta týyndaǵan. Ekologiialyq taza kólik týraly jáne jasyl tehnologiialardy keńinen qoldanýǵa bolatyndyǵy jaily búkil álem jurtshylyǵyn habardar etý – bul jarystyń basty maqsaty.
