Almaty ákimi Erbolat Dosaev 8 naýryz – Halyqaralyq áielder kúni qarsańynda Memleket basshysynyń atynan memlekettik nagradalardy saltanatty túrde tabys etti,- dep habarlaidy Dalanews.kz
Marapattalǵandar tiziminde — eńbegimen, eren isimen qala men eldiń damýyna úles qosatyn Almatynyń áiel turǵyndary bar.
Prezidenttiń jarlyǵymen bilim berý júiesin damytýǵa qosqan eleýli úlesi úshin «Qurmet» ordenimen eńbek ardageri Zaida Jaisanova marapattaldy. Onyń kásibi qyzmeti qazaq mektepterin dáripteýmen, nemis tilin oqytý ádistemesin jetildirýmen jáne bilim berý salasyndaǵy halyqaralyq yntymaqtastyqty nyǵaitýmen bailanysty.
Sportty damytýǵa qosqan úlesi úshin «Qurmet» ordenimen eńbek ardageri Tatiana Lesova da marapattaldy. Ol jeńil atletikadan KSRO-nyń eńbek sińirgen sport sheberi, joǵary biliktilik sanatyndaǵy jattyqtyrýshy, KSRO chempiony jáne Olimpiada oiyndarynyń júldegeri.
Memleket basshysy biyl jariialaǵan Jumysshy mamandyqtar jyly «Eren eńbegi úshin» medalimen «Almatjylýkommýnenergo» JShS qazandyq sharýashylyǵyn paidalaný aýdany №6 ýchaskesiniń himiialyq sý tazartý apparatshysy Olga Drofa marapattaldy. Ol kásiporynda 1996 jyldyń qarasha aiynan bastap jumys isteidi jáne óziniń eńbek jolyn búgingi kúnge deiin jalǵastyrýda.
«Eren eńbegi úshin» medalimen «ALMATY MAI» JShS shikizatty qabyldaý jáne shrotty túiirshikteý tsehynyń bastyǵy Irina Hasanova marapattaldy.
1997 jyldan bastap «Úmit» sańyraý múgedekterdi qoldaý ortalyq» qoǵamdyq qoryn basqaýshy Amanbike Erǵalieva «Shapaǵat» medalimen marapattaldy. Onyń áleýmettik saladaǵy jumys ótili 30 jyldan asady.
