Jýyrda elge kólik ákelý tártibine ózgeris engeni týraly aqparat tarady. Ónerkásip jáne qurylys ministri Qanat Sharlapaev osy máselege qatysty pikir bildirdi, - dep habarlaidy Dalanews.kz.
"Eń birinshi myna eki nárseni túsindirgim keledi. Bul erejeler boiynsha elge kólik ákelý tártibi 2015 jyldan beri qoldanysta. Iaǵni erejede eshqandai ózgeris joq. Ekinshiden, eki fakt keltire keteiin: 2023 jyly bir adam 793 kólik alǵan jaǵdailar boldy. 34 adam 100-den asa kólik ákelgen. Iaǵni, qarap otyrsaq, olar kásipkerlikpen ainalysady", - dedi Sharlapaev Úkimet dálizinde.
Sheneýniktiń aitýynsha, áńgime qandai da bir shekteýler qoiý týraly bolyp otyrǵan joq, zańdy kásipkerlik qyzmetke qatysty bolyp otyr.
Ministr azamattar mundai kóp kólikti ózi minýi úshin emes, qaita satý úshin ákelinetinin aitty.
Aita keteiik, jýyrda Memlekettik kirister komiteti kólik ákelý tártibine qatysty málimdeme jasady.
Soǵan sai 1 jeltoqsannan bastap zańdy tulǵalarǵa kóliktiń tipi maquldanǵan jaǵdaida ǵana kólik ákelýge ruqsat etildi.
Zańdy tulǵalar men jeke kásipkerler úsh jyldan asqan kólikterdi kólik quralynyń konstrýktsiiasynyń qaýipsizdik sertifikaty boiynsha kez kelgen mólsherde rásimdei alady.
Qazaqstandyqtar jylyna bir ret arnaiy mólsherleme boiynsha ózderi minýge arnalǵan taýar retinde resimdep, jańa nemese paidalanylǵan bir kólikti ákele alady. Bul elektromobilder, keibir kommertsiialyq kólikter jáne mototehnikaǵa qatysty emes.
