Sharýalardyń basym kópshiligi bir jerden úsh ret ónim alý isine beiim. Solardyń biri – «Shýhrat» sharýa qojalyǵy biyl 70 sottyq jerge erte pisetin qyryqqabat egip, alqashqy shabyǵyn da bastap jiberipti.
– Biyl aýa-raiy sharýalarǵa óte qolaily bolyp tur. Sonyń arqasynda biz alǵashqy ónimimiz – qyryqqabatty qańtar aiynda otyrǵyzdyq. Bul daqylymyz mamyr aiynda pisse, artynsha bul jerge kartop egemiz. Kartopty jinap bola sala, kúzde plenka astyna askók otyrǵyzamyz, – deidi qojalyq tóraǵasy Rozmat Melhoziev.
Aita keteiik, búginde Jartytóbe aýyl okrýginde jalpy egistik kólemi 1600 gektardy quraidy. Bul egistik alqaptarynda 997 sharýa qojalyq eńbek etedi. Diqandardyń basym kópshiligi erte pisetin kókónis daqyldaryn ósirýmen ainalysady. Naqtyraq aitsaq, negizgi daqyl – qyryqqabat sanalady. Aǵyn sýdan esh tapshylyq joq. Osyndai múmkindikterdiń arqasynda mundaǵy sharýalar bir jerden úsh ret ónim alýda.
Túrkistan oblysynyń Óńirlik kommýnikatsiialar qyzmeti
