Qazaqstanda kólik kóp júretin aqyly joldar anyqtaldy, dep habarlaidy dalanews.kz.
"QazAvtoJol" UK" AQ 1 qańtar men 31 shilde aralyǵyndaǵy aqyly joldardaǵy kólik qozǵalysynyń qarqynyna taldaý júrgizgen. Jeti aidyń qorytyndysy boiynsha barlyǵy 44 954 050 kólik júrip ótken.
Kólik aǵyny boiynsha Almaty - Qonaev ýchaskesi kósh bastap tur. Jeti ai ishinde bul baǵytta 7 149 537 kólik júrip ótken. Bul jalpy kórsetkishtiń shamamen 16 paiyzy bolady. Táýligine orta eseppen 33,7 myńǵa jýyq kólik qatynaǵan.
Ekinshi orynda Shymkent - Ózbekstan shekarasy baǵyty: 5 463 475, úshinshi orynda Shymkent - Taraz ýchaskesi: 3 784 782 kólik.
Alǵashqy bestikke Taraz - Qainar (3 289 935), Shymkent - Qyzylorda (2 736 666) endi.
Jalpy statistika kólik qozǵalysynyń eń joǵary qarqyny Almaty aglomeratsiiasy men eldiń ońtústik óńirlerinde qalyptasqanyn kórsetken. Tek tórt ońtústik baǵytta (Shymkent - Ózbekstan shekarasy, Shymkent - Taraz, Taraz - Qainar jáne Shymkent - Qyzylorda joldarynda) 15,2 mln-nan asa kólik júrip ótken.
Elorda men óńirlerdi bailanystyratyn baǵyttarda da qozǵalys qarqyny joǵary. Astana - Temirtaý ýchaskesinde 2 293 893, Astana - Shýchinsk baǵytynda 2 219 653, al Astana - Pavlodar jolynda 1 401 004 kólik tirkelgen.
2026 jylǵy qańtar-shilde aralyǵyndaǵy aqyly joldardyń tolyq reitingi mynadai:
1. Almaty – Qonaev — 7 149 537;
2. Shymkent – Ózbekstan shekarasy — 5 463 475;
3. Shymkent – Taraz — 3 784 782;
4. Taraz – Qainar — 3 289 935;
5. Shymkent – Qyzylorda — 2 736 666;
6. Astana – Temirtaý — 2 293 893;
7. Astana – Shýchinsk — 2 219 653;
8. Qonaev – Taldyqorǵan — 2 178 708;
9. Taraz qalasynyń ainalma joly (Qainar – Shymkent) — 1 644 729;
10. Qostanai – Denisovka — 1 535 147;
11. Shýchinsk – Kókshetaý — 1 520 485;
12. Almaty – Qorǵas — 1 500 567;
13. Astana – Pavlodar — 1 401 004;
14. Qaraǵandy – Balqash – Býrylbaital — 1 150 111;
15. Kókshetaý – Petropavl — 1 075 805;
16. Qyzylorda – Aral — 1 064 024;
17. Aqtóbe – RF shekarasy (Orynbor baǵyty) — 779 128;
18. Pavlodar – Semei – Qalbataý — 746 120;
19. Shý – Býrylbaital — 607 895;
20. Qostanai – RF shekarasy (Troitsk baǵyty) — 529 273;
21. Qandyaǵash – Maqat — 513 960;
22. Pavlodar – RF shekarasy (Omby baǵyty) — 488 527;
23. Oral – RF shekarasy (Samara baǵyty) — 382 265;
24. Oral – RF shekarasy (Saratov baǵyty) — 323 829;
25. Úsharal – Dostyq — 315 019;
26. Taldyqorǵan – Óskemen — 136 056;
27. Beineý – Aqjigit (Ózbekstan shekarasy) — 87 198;
28. Býrylbaital – Kúrti — 36 259.
