Zańnamalyq ózgeristerge sáikes, 2024 jyldyń 30 qazanynan bastap "7-20-25" ipotekalyq baǵdarlamasy aiasynda merzimdi áskeri qyzmetin ótep jatqan sarbazdarǵa negizgi qaryz jáne nesie syiaqysy boiynsha tólemderge áskeri qyzmet merziminde jáne onyń aiaqtalǵannan keiingi 60 kúnge deiin shegerý berildi, dep habarlaidy Dalanews.kz Nege.kz-ke siltep.
Sonymen qatar bul kezeńde nesie syiaqysy eseptelmeidi.
Kredittik shegerý "7-20-25" baǵdarlamasynyń seriktes bankteri arqyly avtomatty túrde beriledi. Sarbazdarǵa bankke ótinish berýdiń qajeti joq.
"7-20-25" baǵdarlamasynyń 2025 jylǵy qarjylandyrý kólemi ózgerissiz qalady – 100 mlrd teńgege deiin. Esterińizge sala keteiik, 2023 jyldan bastap baǵdarlamada jyl saiynǵy 100 mlrd teńge kólemindegi kreditteý limiti bekitilgen bolady.
Baǵdarlamanyń operatory – "Qazaqstannyń ornyqtylyq qory" AQ bankterdiń Baǵdarlama sharttarymen bergen kreditterin aǵymdaǵy biýdjet sheginde óteidi. Osylaisha, bankter Baǵdarlama boiynsha aldyn ala qarjylandyrylmaidy.
Baǵdarlama bastapqy, paidalanýǵa berilgen turǵyn úilerge ipotekalyq nesie beredi. Azamattar Baǵdarlamaǵa bir ret qana qatysa alady. «7-20-25» baǵdarlamasynyń seriktes bankteri: Freedom Bank Qazaqstan, TsentrKredit Banki, Halyk Bank, RBK Bank, Altyn Bank, Eýraziialyq bank, Fortebank.
