7-16 jas aralǵyndaǵy erekshe qajettilikteri bar balalar qandai járdemaqy alady?
«Qazaqstan Respýblikasynyń keibir zańnamalyq aktilerine azamattardyń jekelegen sanattaryn áleýmettik qorǵaý máseleleri boiynsha ózgerister men tolyqtyrýlar engizý týraly» QR Zańy 24 qazanda kúshine endi.
– Endi zańnama memleket kórsetetin áleýmettik kómekti, onyń ishinde balanyń densaýlyq jaǵdaiyna, tynys-tirshiliginiń shektelý dárejesine jáne organizm fýnktsiialarynyń buzylýyna bailanysty múgedektigi boiynsha járdemaqylardyń mólsherin saralaýdy kózdeidi. Sonymen qatar, 7 jastan 16 jasqa deiingi balalarǵa múgedektik toptary komissiianyń syrttai sheshimi negizinde, iaǵni avtomattandyrylǵan rejimde ornatylatyn bolady, – dedi Murat Muratbekov.
Eger buryn múgedektikti toptar boiynsha bólý tek 16-18 jas aralyǵyndaǵy balalar arasynda bolsa, túzetýlerden keiin 7-16 jas aralyǵyndaǵy balalar arasynda múgedektik toptary paida boldy. Jańa shara osy balalar dertiniń aýyrlyǵyna bailanysty járdemaqy mólsherin belgileýge múmkindik beredi:
- birinshi toptaǵy múgedek bala tiisinshe 1,92 TKD jáne 1,49 AEK alatyn bolady;
- ekinshi toptaǵy múgedek bala – tiisinshe 1,59 TKD jáne 1,49 AEK;
- úshinshi toptaǵy múgedek bala-tiisinshe 1,4 TKD jáne 0,96 AEK.
Múgedek balalardyń barlyq toptary úshin járdemaqy mólsheri 16,7%-dan 37%-ǵa deiin ulǵaityldy. Qazirgi ýaqytta Eńbek, áleýmettik qorǵaý jáne kóshi-qon departamentiniń derekteri boiynsha Almatyda 7 jastan 16 jasqa deiingi 4 460 múgedek bala turady, onyń ishinde birinshisine 848 bala, ekinshisine 1 327 bala jáne úshinshi topqa 2 285 bala jatady.
Múgedektik toptardy meditsinalyq-áleýmettik saraptama bólimderi bir ret avtomattandyrylǵan rejimde belgileitini óte mańyzdy. Bul MÁS-ta bar derekter negizinde syrttai shyǵarylǵan saraptamalyq qorytyndy bolady. Endi balalardyń ata-analary men zańdy ókilderine múgedektik tobyn anyqtaý úshin memlekettik organdarǵa barýdyń qajeti joq.
