Bul Qazaqstanda birqatar shekteý sharalarynyń engizilýimen baılanysty. Atap aıtqanda, 65 jastan asqan adamdardyń qozǵalysyna shekteý qoıylǵan bolatyn, dep habarlaıdy Dalanews.kz.
Memlekettik korporasıa qyzmetkerin úıge shaqyrtý úshin azamat nemese onyń qamqorshysy 1414 nómiri boıynsha biryńǵaı baılanys ortalyǵyna qońyraý shalyp, qyzmetke suranys qaldyrýy kerek. Budan keıin Azamattarǵa arnalǵan úkimettiń mamandary ótinish qaldyrýshymen baılanysyp, qujattardyń tolyqtyǵyn naqtylaıdy jáne úıge baryp memlekettik qyzmet kórsetýdiń kúni men ýaqytyn belgileıdi. Aıta ketetini, qyzmetkerler ótinishti qabyldaǵannan keıin qyzmet alýshyǵa 7 jumys kúninen keshikpeı barýy kerek.
"Azamattarǵa arnalǵan úkimet" memlekettik korporasıasynyń basqarma tóraıymy Ásemgúl Baltashevanyń aıtýynsha, bıylǵy jyldyń 7 aıynda memlekettik korporasıa qyzmetkerleri úı-úıge baryp 22 myńnan astam memlekettik qyzmet kórsetken. "Mobıldi topty úıge shaqyrý kezinde halyqty qujattandyrý qyzmetin kóshi-qon polısıasynyń qyzmetkerleri júzege asyratynyn eskerý qajet. Sondyqtan, eger jeke kýálikti jaramdylyq merzimi aıaqtalýyna baılanysty aýystyrý qajet bolsa, úıge barý jáne qujatty daıyndaý ýaqytyn eskere otyryp, ótinishti kem degende 2 apta buryn qaldyrýǵa keńes beremiz", – dep atap ótti Baltasheva.
Esterińizge sala keteıik, úıge shaqyrtý barysynda alynatyn eń tanymal qyzmetterdiń ishinde tólqujattar men jeke kýálikter berý, múgedekterdi sýrdo-teflotehnıkalyq jáne mindetti gıgıena quraldarymen qamtamasyz etý, múgedekterge protezdik-ortopedıalyq kómek kórsetý úshin tıisti qaǵazdaryn daıyndaý sıaqty qyzmetter bar.
Memlekettik korporasıa qyzmetkerleri koronavırýs pandemıasy jaǵdaıynda qyzmetterdi barlyq qaýipsizdik sharalaryn saqtaı otyryp kórsetedi. Barlyq maman maska men antıseptıktermen qamtamasyz etilgen. Qyzmet alýshylarmen baılanysty azaıtý úshin HQO mamandary dálizden ary ótpeı, áleýmettik qashyqtyqty saqtaıdy.
