65 جاستان اسقان ازاماتتار مەملەكەتتٸك قىزمەت الۋ ٷشٸن مامانداردى ٷيگە شاقىرتا الادى
بۇل قازاقستاندا بٸرقاتار شەكتەۋ شارالارىنىڭ ەنگٸزٸلۋٸمەن بايلانىستى. اتاپ ايتقاندا, 65 جاستان اسقان ادامداردىڭ قوزعالىسىنا شەكتەۋ قويىلعان بولاتىن, دەپ حابارلايدى Dalanews.kz.
مەملەكەتتٸك كورپوراتسييا قىزمەتكەرٸن ٷيگە شاقىرتۋ ٷشٸن ازامات نەمەسە ونىڭ قامقورشىسى 1414 نٶمٸرٸ بويىنشا بٸرىڭعاي بايلانىس ورتالىعىنا قوڭىراۋ شالىپ, قىزمەتكە سۇرانىس قالدىرۋى كەرەك. بۇدان كەيٸن ازاماتتارعا ارنالعان ٷكٸمەتتٸڭ ماماندارى ٶتٸنٸش قالدىرۋشىمەن بايلانىسىپ, قۇجاتتاردىڭ تولىقتىعىن ناقتىلايدى جەنە ٷيگە بارىپ مەملەكەتتٸك قىزمەت كٶرسەتۋدٸڭ كٷنٸ مەن ۋاقىتىن بەلگٸلەيدٸ. ايتا كەتەتٸنٸ, قىزمەتكەرلەر ٶتٸنٸشتٸ قابىلداعاننان كەيٸن قىزمەت الۋشىعا 7 جۇمىس كٷنٸنەن كەشٸكپەي بارۋى كەرەك.
"ازاماتتارعا ارنالعان ٷكٸمەت" مەملەكەتتٸك كورپوراتسيياسىنىڭ باسقارما تٶرايىمى ەسەمگٷل بالتاشەۆانىڭ ايتۋىنشا, بيىلعى جىلدىڭ 7 ايىندا مەملەكەتتٸك كورپوراتسييا قىزمەتكەرلەرٸ ٷي-ٷيگە بارىپ 22 مىڭنان استام مەملەكەتتٸك قىزمەت كٶرسەتكەن. "موبيلدٸ توپتى ٷيگە شاقىرۋ كەزٸندە حالىقتى قۇجاتتاندىرۋ قىزمەتٸن كٶشٸ-قون پوليتسيياسىنىڭ قىزمەتكەرلەرٸ جٷزەگە اسىراتىنىن ەسكەرۋ قاجەت. سوندىقتان, ەگەر جەكە كۋەلٸكتٸ جارامدىلىق مەرزٸمٸ اياقتالۋىنا بايلانىستى اۋىستىرۋ قاجەت بولسا, ٷيگە بارۋ جەنە قۇجاتتى دايىنداۋ ۋاقىتىن ەسكەرە وتىرىپ, ٶتٸنٸشتٸ كەم دەگەندە 2 اپتا بۇرىن قالدىرۋعا كەڭەس بەرەمٸز", – دەپ اتاپ ٶتتٸ بالتاشەۆا.
ەستەرٸڭٸزگە سالا كەتەيٸك, ٷيگە شاقىرتۋ بارىسىندا الىناتىن ەڭ تانىمال قىزمەتتەردٸڭ ٸشٸندە تٶلقۇجاتتار مەن جەكە كۋەلٸكتەر بەرۋ, مٷگەدەكتەردٸ سۋردو-تەفلوتەحنيكالىق جەنە مٸندەتتٸ گيگيەنا قۇرالدارىمەن قامتاماسىز ەتۋ, مٷگەدەكتەرگە پروتەزدٸك-ورتوپەدييالىق كٶمەك كٶرسەتۋ ٷشٸن تيٸستٸ قاعازدارىن دايىنداۋ سيياقتى قىزمەتتەر بار.
مەملەكەتتٸك كورپوراتسييا قىزمەتكەرلەرٸ كوروناۆيرۋس پاندەميياسى جاعدايىندا قىزمەتتەردٸ بارلىق قاۋٸپسٸزدٸك شارالارىن ساقتاي وتىرىپ كٶرسەتەدٸ. بارلىق مامان ماسكا مەن انتيسەپتيكتەرمەن قامتاماسىز ەتٸلگەن. قىزمەت الۋشىلارمەن بايلانىستى ازايتۋ ٷشٸن حقو ماماندارى دەلٸزدەن ارى ٶتپەي, ەلەۋمەتتٸك قاشىقتىقتى ساقتايدى.
