Aqmola oblysynyń Shortandy aýdanynda memlekettik qyzmetkerlerdiń býkmekerlik keńseler arqyly qumar oiyndarǵa qatysqany anyqtaldy, dep habarlaidy dalanews.kz.
Aýdan prokýratýrasynyń málimetinshe, tekserý barysynda bir memlekettik qyzmetkerdiń mobildi qosymsha arqyly oiyn shotyn júieli túrde tolyqtyryp otyrǵany belgili bolǵan. Onyń bás tigýge jumsaǵan jalpy qarajaty 5,7 million teńgeden asqan.
Atalǵan derekter boiynsha tártip buzǵan qyzmetkerler tártiptik jaýapkershilikke tartyldy. Sonymen qatar olardyń arasynda túsindirý jáne profilaktikalyq jumystar júrgizildi.
Prokýratýra qatysýshylardyń naqty sany men jalpy tigilgen qarajat kólemin naqtylamady.
Aita keteiik, Qazaqstan zańnamasyna sáikes memlekettik qyzmetshilerge qumar oiyndarǵa qatysýǵa tyiym salynǵan. Bul talapty buzý tártiptik jaýapkershilikke ákelýi múmkin.
