QMA Almaty qalasy boiynsha departamenti tiisti ruqsat qujattarynsyz tsifrlyq aktivterdiń zańsyz ainalymyna qatysty istiń tergeýin aiaqtady, dep habarlaidy Dalanews.kz.
2020 jyly qyrkúiekte, kámelettik jasqa tolmaǵan kúdikti «Telegram» messendjeri men «OLX» platformasynda aiyrbastaý operatsiialaryn júrgizetini týraly habarlandyrýlar ornalastyrǵan.
«Binance» kriptobirjanyń paidalanýshylary tek eresekter bola alatyndyqtan, ol akkaýnt jasaý úshin aǵasyna verifikatsiiadan ótýin suraǵan.
2021 jyly ol ainalym somalaryn bólshekteý jáne buǵattaý táýekelin tómendetý maqsatynda óziniń týystarynyń atyna qosymsha taǵy úsh akkaýnt tirkegen.
Nátijesinde 2021-2024 jyldar aralyǵynda jalpy somasy 5,6 milliard teńge tsifrlyq aktivterdi zańsyz ainalymyn jasaǵan.
Kórsetken qyzmeti úshin alynǵan syiaqy mólsheri 0,5%-dan 2,5%-ǵa deiin quraǵan.
Kúdikti óziniń zańsyz tabysyna Mitsubishi avtokóligin satyp alǵan, sottyń sheshimimen osy avtokólikke tyiym salyndy.
Sot úkimimen ol QR QK 214-babynyń 2-bóligi 2-tarmaǵymen (zańsyz kásipkerlik, asa iri mólsherde tabys alýmen ushtasqan) kináli dep tanylyp, 2,5 jylǵa erkindigin shekteý jazasyna kesilgen.
Sondai-aq, memleket kirisine 5 172 USDT tsifrlyq aktivteri men Mitsubishi avtokóligi tárkilendi.
Atap ótý kerek, zańsyz kriptoobmender óz klientterin sáikestendirmeidi jáne kúdikti operatsiialardy anyqtamaidy. Sondyqtan, olardyń qyzmetterin kóbine kiberalaiaqtar men esirtki zattaryn ótkizýshiler paidalanady.
Eske salaiyq, 2024 jyly jalpy ainalymy 60 mlrd teńgeni quraityn 36 zańsyz kripto aiyrbastaý pýnkti joiyldy. 4,8 mln USDT (shamamen 2,5 mlrd teńge) somasyna aktivter buǵattalyp, tárkilengen.
Qazaqstan Respýblikasynyń «Tsifrlyq aktivter týraly» Zańyna sáikes eldegi tsifrlyq aktivterdiń ainalymyna qatysty kez kelgen qyzmet litsenziiany qajet etedi.
