22-26 qyrkúiek aralyǵynda el aýmaǵynda esirtki, psihotrop zattar men prekýrsorlardyń, sondai-aq, ýytty jáne kúshti áser etetin zattardyń zańdy ainalymyn baqylaýǵa baǵyttalǵan "Dármek" is-sharasy ótkizilgen. IIM qandai zańbuzýshylyqtar anyqtalǵanyn málimdedi, dep habarlaidy Dalanews.kz.
Esirtki ainalymy salasyndaǵy zańnamany buzǵany úshin Qylmystyq kodekstiń 303-baby boiynsha meditsina qyzmetkerlerine qatysty 11 qylmystyq is qozǵalyp, 278 ákimshilik quqyqbuzýshylyq anyqtalǵan.
"Zańsyz ainalymnan quramynda esirtki bar shamamen 7 myń dári-dármek jáne qosarly maqsattaǵy taýarlarǵa jatatyn 80 tonna ýytty zat tárkilendi. Meditsina salasynda ákimshilik zańnamany buzýdyń 190-nan deregi faktisi tirkeldi. 202 meditsina qyzmetkerine qatysty materialdar jinalyp, quramynda esirtki bar 40 myńdai tabletka, 290 myń psihotrop tabletka jáne 236 myń ampýla tárkilendi. Respýblika boiynsha barlyǵy 519 meditsinalyq mekeme tekserildi", - dedi IIM ókilderi.
Shyǵys Qazaqstan oblysynda bir JShS-de kúshti áser etetin dárilik zattar retseptisiz satylǵany tirkeldi. "Pregabalin", "Zonika" jáne "Alisa" dárilerinen 35 myńnan asa tabletka tárkilendi.
Qaraǵandy oblysynda Astanadan Qaraǵandyǵa baǵyt alǵan kólikti tekserý kezinde jalpy quny 240 myń teńgeden asatyn "Tropikamid", "Pregabalin" jáne "Medazepam" preparattarynyń 82 qaptamasy tárkilendi.
